ابي مشورتكم يالحكيمات ... ابي اعرف وش مشكلتي مع زوجي ؟؟

السلام عليكم
بصراحة بنات .. اول مره اكتب بالقسم هذا او بمعنى اصح
اول مره اتجرأ واكتب مشكله تخصني انا
ايه تخصني انا وزوجي من الضيقة اللي فيني وربي اكتب لكم وانا بالموت اشوف الشاشة من الدموع والشهاق
بس امانه امانه معكم بنات ابي نصيحة من نااس فاهمة وواعية ابي تشووفلي حل مع مشكلتي
هل انا صح ام هو الصح
ما اطول عليكم
انا وزوجي تزوجنا عن حب وقطعنا وعد لو ما تزوجنا مستحيل نكوون لغيرنا ابد
والحمدلله تزوجنا هوو موظف بمستشفى والراتب ماشاء الله ضخم بس يالله العافية
ما يبقى منة الا 3000 وعليها والباقي يروح بالقرووض واجار الشقة اللي احنا فيها بس الحمد لله بتتسهل وراح نسكن عند اخوي
بشقة لنا باجااار مرررررررررره رخيييص وراح يتعدل الوضع كثير
..
بس
انا الاحظ اذا قلت لزوجي ابي اشري شي من السوق يعني ملابس بيت يقوول خليها الشهر الجاااي انا والله اسكت واقدر اقول يمكن ماعندة شي
واذا رحنا مع اخواني لسووق اشووف اخواني يشروون لحريمهم وانا تنكسر نفسي على اشياااء بس اسكت ولما اروح له اقوول ابي هذا
يقول خليها الشهر الجااي واسكت تقديرا مني وانا طبعي ما ارجع احن وازن على رااسه واقوول شف فلانه وعلتانه فلان يشريلها وانت لا
بس الشهادة لله ما يخلي مطعم غيب الا ويدخلني اكل منة واذا سمع عن مطعم على طوول وداني له واذا طلبت زيادة جابلي بصدر رحب ومستانس
ولما تكون فية مناسبة تماايم او زواج او عيد وربي ما يخلي شي بنفسي الا ويشرية لي حتى جوال بـ 2700 شراه لي وبداني على نفسة
...
بس انا اللي مستغربتة ليش لما اقووله ابس اشري ملابس بيت ولا اجهزة ولا بسوي ولا اي شي يقوول الشهر الجاي حتى لما رحنا لاهلة وزع على
خواته فلووس خمسات وعشرات وجابلهم اكل من المطعم وعطى اخوانه الكبار 500 ...
انا والله العظيم اني ما اتضاايق بالعكس بس مدري وش جااني عصبت وتعبت نفسيتي الحين اطلبه ملابس وسووق واجهزة وبالاخير يعطي اخوانه
لو انه شااري لي الي ابي مو احسن !!!!
حتى صاار لسااني طوويل واغلط علية وصاار يزعل علي ما يعصب بس يتضااايق ويقوول بس ((( تغيرتي وش غيرك علي وش قلبك
من انساانه طيبه ووديعة لانساانه لسانها متبري منها )) انا من قال هالكلام وانا بس ابكي وتعبانة والحين ما يكلمني
وزعلان علي اقسم بالله ياابنات اني لا اشتهيت اشري شي من السووق اذا كنت عند اهلي اشري من فلووسي حتى
اذا قال تبين مصرووف والله ثم والله ما اطلب منه اقوول بنفسي يمكن يحتاجهم اكثر مني عشاان يووفر واذا لزم علي طلبت 50 ريال
صح شووي بس عشان اسكتة وما اثقل علية بطلباتي
بس والله قهر انا متنازله عن اشيااء كثيره عشاان نوفر مصرووف لاخر الشهر حتى يقوولها بعظمة لسانه قالي (( انتي بركة علي
من تزوجتك وانا اوفر مبلغ لابأس فية ))) بصراحة افرح كثير
بس لما اتذكر اخواني الللي يعطي زوجتة 1000 و2000 يتقضون فيها للبيت وكل اسبوع بالسووق وانا ما اروح اشري الا للمناسبات قووية
ودي اشري للبيت حتى الحين صرت ادور وظيفة لسببين
اول شي ... عشان ما اجلس لحالي بالبيت
وثاني شي ... عشان اصرف على نفسي واسااعدة بالاجار والمتطلبات الخاصة لو احتاج شي
ادري كلامي كثير
ودش على بعض وما ادري وش كتبت من الدموع والبكي بس
يعلم الله اني ارتحت كثيرر يوم فضفت .. ويعلم الله اني احبة حب ما حبة بشر وكمان هو نفس الشعوور بس ما ادري
ليش ما يشري لي اللي ابي ... ملاحظة نسيت اقوولكم صح هوو يرفض اني اشري بس يحلف ان الشهر الجاي يشري لي
بس انا انسى او اتنيسى عشان ما اتقل علية واصلا هو بالاساااس نسااااااي
...

ابي مشوورتكم لي ونصااااااااااااااااااااااااايحكم يالحكيماااات وربي اعتبركم خوواتي ابي احد يعقلني وويوعيني
طلبتكم يالغوووالي :(