ابي مشورتكن ياحبايب

السلام عليكم ورحمة الله وبركاته
اليوم دقت على اختي وهي تبكي وتقول خلاص تعبت معاد اقدر معاد ينفع مع زوجي ولا شي
1-زوجها رافض يخليها تتعرف على احد لاجيران ولا قرايب بحجة البيت شقه مفروشه تقول صرت كل مااشوف حريم جالسين مع بعض احسدهم واتمنى اكون معهم .......للمعلوميه هي بمدينه لوحدها مافي احد من اهلنا الا من بعيد
2- تقول طايح بالنوم طول يومه نوم بنوم يجي من الدوام ينام الى الساعه 8 والساعه 11يرجع ينام واذا صحى ماله خلق يتكلم لامعي ولامع عياله ولا يضلي يطقطق على كلامي تقول احس اني بسجن طول يوم ساكته صرت اذا سمعت صوت ناس افرح زي الاطفال
3-يوم الخميس لازم يقلبه هواش علشان نفقد الامل بالطلعه للبحر مع اني اقول مراح نكلف عليك شي غير مشوار السياره وصار اكثر وقته بغرفة النوم مسكر عليه ويدخن يبي يريح نفسه منا
تقول احس كلمالي اتنازل لحد مصار عندي شي اتنازل عنه حتى كرامتي تنازلت عنها
4- كل ماتحرك يهدد انه يرجعني على ديرتنا واقعد هنا بلحالي واريح منكم
والله قطعة قلبي البارح وهي تبكي طول مو طالبه شي غير اخلاق واهتمام بعياله ويقدر هالششغاله ...تقصد نفسها ..اللي طول يومها كرف ع الساكت
اذا فيه وحده تعرف دورات تطوير الذات ترسل لي ابي اثقفها او دورات تغير الزوج وتخليه يهتم بزوجته يعني اي شي نصايح افكار اسلوب زودوني فيه
لاتقولوا تتركه او تشرد عند اهلها لنه قطعا مو حل