ابي معلومات عن لبنان .... اذا ممكن!!

السلام عليكم و رحمة الله و بركاته
أنا سافرت لبنان سرت عدة أماكن سياحية فيها مثل مغارة جعيتا و جبال الأرز و منطقة جبيل حلوة و منطقة برمانه ، أما بالنسبة للأسواق في بيروت و عندهم محل وايد مشهور مال حلويات اسمه الحلاب في طرابلس لكن أعتقد عنده فروع في مناطق ثانيه .
بنات أنا بعد ساعدوني بسافر ألمانيا و سويسرا و فرنسا أبا أعرف المناطق الحلوة جاوبوني على هذا الرابط http://forum.hawaaworld.com/showthread.php?threadid=201724

ريح الجنان

اذا ماتبين تحسين فى الغربه روحى منطقة بحمدون كل الخليجيين فيها والناس فيها سهرانه حتى الصبح والمحلات فاتحه حتى الليل وكل المطاعم اللى يحبها قلبك موجوده المحلات المفتوحه اهناك مخصوص حق الخليجيين مكياج وعطورات وملابس اشكال والوان وفساتين سهره ومحلات تبيع شنط وساعات واكسسوارات تقليد ماركات من الدرجه الأولى يعنى بالمختصر كأنك قاعده بلد خليجى وفى بعد منطقه اسمها عاليه هم حلوه فيها مطاعم واماكن حلوه وجوها بارد شويه بالليل وعندج برمانه حلوه وجونيه منطقه تطل على البحر وجوها رطب ....

وذا تبين من صج تستانسين ودى معاج وكثر ماتقدرين فلوس لان هذه السنه غاااليه وااايد ورحله سعيده وانا راح اكون موجوده شهر 8 بأذن الله ..

اماكن التمشية والقهاوي: برمانا الجبل - عاليه الجبل - السولدير وسط بيروت - جونية وسط بيروت على البحر

التسوق: منطقة فردان وسط بيروت فيها ثلاث او اربع مجمعات متقاربة (الديون - فردان 730 - فردان 735 - كونكورد) ، شارع الحمراء محلات متوسطه بس تلاقين اشياء حلوة المنطقة شبه شعبية - فرن الشباك بعد منطقة شعبية بس فيه اشياء حلوة - السولدير فيها محلات - ال ABC له فرعين مجمع كبير للتسوق

وعندك مطاعم كثيرة مره ومن اشهرها مطعم جنة اللي صورت فيه نوال الزغبي

اذا عندك اي استفسارات انا بالخدمه

سلام

اذا على السكن .. عاليه وبرمانا انظف وارقى مكانين .. وانا تعجبني عاليه أكثر
وبالنسبة للأسواق .. فهي كثيرة مررره
عندك ABC هذا مجمع كله ماركات
وفي شارع الحمراء .. تلاقين فيه جزم وشنط حلوه
وفي السوليدير .. وهو منطقة سياحية متكاملة واهم معلم في بيروت وكل الخليجين عليه
لانو فيه كافيهات ومطاعم راقية ومحلات حلوة.. تقريبا مثل الشانز بباريس
بس ترى اسعاهم الطاق طاقين لانهم يستغلون السياح وغلا المنطقة
بعد عندك فردان اللي كثار يمدحونه مع اني رحت له ولقيته مرة شينه والبضايع مو لهناك
اما احلى سوق بالنسبة للي شفته فهو شارع الكسليك اللي بجوني
هذا اذا كنت رايحة تبين ملابس واكسسوارات واشياء مميزة باسعار معقولة فلازم تروحين له

بالنسبة للاماكن الحلوه
في مجمع الهوليدي ان .. واللي فيه سينما وجلسات رايقه
وطبعا ضروري تروحين مغارة جعيتا وبيت الدين ونبع الصفا
بعد انصحك تزورين منطقة جبيل .. واللي عن جد روووووووعه روووووعه لابعد حد

واذا على المطاعم والكافيهات
في برج الاندلس اللي ع الروشه هذا كافي مميز ولازم تشوفين فيه احد مشهور كل مازرتيه
والقراند كافي .. هذا جلسته خطيره وتلاقينه بالروشه وعاليه
بالنسبة للمطاعم في مطعم مانويلا بجوني .. تلاقين فيه الاكل اللبناني الصح
وفي بعد مطعم برج الحمام بالموفنبيك
واذا تبين اكل ايطالي عند الموندو اللي بفينيسا روعه
ولايوتك بعد فرايدز اللي بالروشه
وعموما المطاعم هناك على قفى من يشيل .. يكفيك بس اللي بالسوليدير


واذا تبين شي ثاني حاضرة
تروحين وترجعين بالسلامه
:27: