شكلك حادقة على الذبان والناموس

تسلمين اميرة على المعلومات بصراحة استفدت منها وان شاءالله اباخذ احتياطاتي الازمة لذبان والناموس <<<< حشا بتقاتل

وحلو نبهتيني اخذ شغالتي وعيالي لأنو اكيد زوجي يبين اطبخ هناك

وانا نفسي اروح اشوف الطبيعة الساحرة

وخطتنا ان شاء الله دبي بعدين صلالة

والله يعين


مشكورة مرة اخرى

لالالالا

خليها صلالة بعدين دبي احسن لكم

خلوكم ترجعون بعد راحة لأن صلالة اول شي بعيده لازم تمرون الامارات اول
وبعدين صلالة
وفي الرجعه نفس الشي الامارات بعدين السعودية


المهم زي ماقالت اختي اميرة كلامها صح لكن بالنسبة للشغالة على حسب انت وارتياحك
للسفر بها انا صراحة ما احب آخذها
خذي احتياجك من كل شي يخطر في بالك انك بتحتاجينه
1-ادوية لك وللاطفال
2-كريم وقائي عن النامس
3-عدة طبخ كاملةمواعين ومواد غذائية حتى الملح خذيه والبهار والزيت و....الخ لان اسواقهم ماتلاقين فيها كل ما نستخدمه احنا
وايضا الدافور ممتع للغاية اذا جلستو تطبخون غداكم في الهواء الطلق
4-متعه لاتوصف لو تاخذين معك عدة الشوي رهييييبه:7_2_103v:
السكن طبعا في الشقق افضل من ما يسمونه فندق:09:

5-لاتتوقعين ان فيها اجواء رومانسية روحي بعيالك وان حصل جماعة معكم احسن
لان جوها جو كشتات مهوب جو رواقة
6-لازم تحطين في بالك ان متعتك في النهار فقط بالليل ازين مالكم شقتكم:icon28:
7-مافيهاولا محل واحد يفتح النفس مدينه فقيرة جدا وذلك يعود لأن اهلها سنه:( الله ينصرهم
8-مطاعمهم تحت الصفر اللهم كنتاكي ولاهوب من زينه
9-شاورمتهم لعبت في بطونا
10-لاتنسين كاميرة الفيديو
11-فرش نوم اضافية لأن نظافتهم غير مضمونه
12-عباية سبير:42: ممكن في اي لحظة تتغرق عبايتك في الطين
13-جزمكم الله يكرمك تكون كوتشات رياضية انتبهي تستخدمين كشخة
14-كهربهم على خبري كله 220
15-لاتنسين القهوة وعدتها اذا كنت راعية كيف تراها احلى مافي الرحلة
16-حطي في بالك انك بتغسلين ملابس تقريبا بشكل يومي:06: ((قولي وبعد تقولين لاتاخذين الشغاة:42: ))

رحلة سعيدة ولو ذكرت شي ترى ابرجع لاتضحكون علي:42:

انارحت لهابالصيف وصادقين خواتي نفس الكلام الناموس ذبحنا مره حتى جلست آثاره فينا وشققها مونظيفه مره واسواق مافيه ولاملاهي غير مهرجان البلدية واهلها مررررره طيبين ونصيحة بتروحين روحي لهاجمعه ماتنفع لوحدك بس فيهاطبيعه خيال وسعة صدر

ياحبيلك يادفاية

يقول ابو الشباب ان شاءالله دبي صلالة دبي يعني يمكن صلالة تقريبا اسبوع او 10 ايام ودبي 3 او 4 ايام والرحلة كلها شهر مادري كيف نرتبها

وخلااص حكيت زوجي قلت اباخذ عيالي قالي وراك كل يوم لك راي قلت ما فيها رومانسية انا علبالي بجبال الألب وابلعب حبشة انا وياك

المهم

شغالتي يمكن اخذها معي ويمكن لا

وعيالي ان شاء الله اباخذهم معي

وما اظن احد يبي يروح معنا يقولون جربوها بعدين نروح

طيب ما قلتولي عن الأسعار عامةً وهل فية مناطق قريبة غير صلالة فيها اسواق اوترفية

غاليتي هوانم

اية سمعت كثير عن اهلها مرة طيبين
مشكورة والله يوسع صدرك

واو
شهر كثير مره احسكم بتملون ماتحتاج هالدولتين شهر كفاية15يوم والباقي ريحوا فيه والاخلوه داخليوحده بتعلمكم وشلون تصرفون اجازتكم:42:
المهم ياحلوة مناطق قريبة صراحة ماسمعت صحيح فيها اكثر شي العيون والمناطق السياحية مثل دربات وعين صحنوت واشياء صراحة نسيتها
وتراكم بتنبسطون مرة خاصة مع الصغار تعرفين مسلسل هايديابد كنها طبيعتهم بس ما ينقص الا بيتروالجد:37:
وعلى العموم اسواق انسي الا كانهم تطوروا خلال هالسنتين مدري

انا يوم اروح مخليه بنتي عمرها سنتين صراحة قلت اشوى اني مخليتها عشان ما تغثني في الخط والطلعات والنوم خاصة بعدم وجود الخادمة وفي نفس الوقت تقطع قلبي عليها اقول ليتها معي تقلب بهالثيل الي يوسع الصدر
لكن الكبار لا والله لو اني مخليتهم انهبلت ابتذكرهم في كل مكان واقول ليتهم معي
وبالنسبة للملاهي عندهم حقت البلدية على ما اظن وفيها يقام مهرجان الخريف مرة روعة
بس ترى ما يكفيه يوم واحد اقل شي 3 ايام لأنه كبييييير وفيه اركان كثيرة
رحنا له يومين بس حلاته بعد الكشته ترجعين للسكن وتغيرين وتريحين ثم تطلعين له مرة ثانية
فيه العاب وسوقهم الشعبي وعرضاتهم واشياء مرة تونس
بالضبط زي الجنادرية عندنا

إلا ماتبون خوي؟؟؟:42: :11retcher اسم الله عليك امزح:42: