ابي منكم حل

السلام عليكم
كيف حالكم ان شاء الله بخير
فيه موضوع حبيت استشيركم فيه


اذا الزوج مستحيل يخلي زوجته تخرج لحالها اقصد مثلا ينزلها بالسوق ويروح .
ونفس الشي مستحيل يخليها تروح مع اهلها للسوق او طلعة للترفيه .
يعني لابد هو يكون معها .
هذا وش تسمونه هل هو غيره والا شكاك والا ايش .


انا اوقات احب اروح مع اخواتي للسوق هو يرفض يقول تنزلين معي والا بلاش روحه والمشكله انه مايحب الاسواق يعني تقريبا كل اربع خمس شهور مرة واذا نزلنا يقهرني يكون معصب وينفخ انا اول ما تزوجت كنت افكره بخيل بس هو مو بخيل ابد بس عصبي مرة بالسوق وعجول ما اعرف اختار وما يخليني اروح كذا محل يبي محل واحد وخلاص .

الشي الثاني الطلعات مع اهلي يرفضها الا مرة وحدة وكنسل الخرجة واحرجني معاهم .
المشكله انو اهلي اذا طلعوا يطلعون معاهم اخواتي وبعض الاحيان ارجالهم يطلعون وتصير زي الرحلة وزوجي ابد ما يحب يحتك باخواني ورجال اخواتي يحب بس ابوي وابوي بعد يحبه .
يعني احس باحراج من اهلي وزوجات اخواني واخواتي المتزوجات .
والشي الثالث اللي قاهرني الحين انه فيه ملكه يوم الخميس الجاي لناس مقربين لنا وزوجي رافض يروح ورافض اني اروح مع اهلي . زوجي ما يقرب لنا هو من خارج جماعتنا ومايحب يحضر مناسباتنا ابد الا اذا عزيمة من ابوي واخواني بس .
الحين انا ودي اروح مع اهلي وهو رااافض قلتله طيب انت وصلني ولا تحضر رفض وقال انتي ماتستحين كيف تحضرين وزوجك ماهو بحاضر .

وش اسوي عشان احضر الملكه