ابي منكم خدمـــــــــة

وينكــــــــــــــــــم

شوربه الخضار
اسلقي الخضار بمويه وملح ومكعب ماجي بعد ماتنظفينها وتقطعينها ولمن تنسلق اضربيها بالخلاط وتصير جاهزة للشرب وممكن تسلقي معاها دجاج لزياده قيمتها الغذائيه
اما الرز المصري.
فاسلقي دجاجه مع مويه وملح وعود دارسين وبعد ماتنسلق شيلي الدجاجه واغسلي الرز المصري واتركيه ينطبخ في مويه الدجاجه لحد مايشرب مويته زوديه حليب سائل او حليب بودرة مخفف بمويه وخليه يطبخ لحد مايشرب الحليب بعدين وكليه لطفلك مع سلطة طماطم بالخلاط مع بقدونس وملح وخل وليمون وبالعافيه

**** يجزاكي بالخير

استخدمي الخضار اللي تبينها ...... بالنسبه لي ( كوسه _ بطاطس _ جزر _ فاصوليا )
ومرات احط معاهم شويه رز مصري .... أو احط دجاج ... إلخ

اسلقهم بوميه وملح فقط لحد مايستوي ... ثم ارفع الخضار فقط واخلي الماء
واخلطهم بالخلاط وكل ماكان ثقيل اضيف عليه شويه من ماء السلق واخلط
لحد مايصير مثل الشوربه ... وبس :)

طبعا انا اسويها لبناتي لما كانوا اقل من سنه .... اما الحين
ماشاءالله تباركـ الله سنه ونص ... فيأكلون من اكلنا العادي :)

..

جربي الر ز المصري مع المهلبيه
مغذيه ومفيده وطعمها حلو
اسلقي رز لوحده وسوي مهلبيه لوحده واضربي الجميع بالخلاط وحطيها بكاسات الحلا وهني على قلبه
كنت اسويها لولدي وزانت صحته عليها بس الحين انحرم من الاكل عايش على الحليب