ابي منكم مسااااعده بمشكله خطييييييييره

السلام عليكم


قريبتي عندها مشكله مرررررررره خطيره

وهي طالبه مساعدتي ومااعرف ايش اسوي لها 000هي قالت لي لأنه ماعندها خوات وانا وهي كبر بعض

كأننا اخوات

بصراحه ترددت كثيييييير قبل مااكتب هنا بس قلت تساعدون صديقتي

راح ابدأ


قبل كم اسبوع بوقت الإختبارات كلمتني قريبتي وهي منهاااااره وتصيح

تقول كانت بالبيت لحالها هي تذاكربالصاله والشغاله بغرفتها واهلها كلهم طالعين

وكان ابوها جاي للبيت

راح ابوها لغرفته يغير ملابسه بعدين فجأع سمعت احد يمشي بالدرج اللي يوصل للدور الثالث اللي فيه

غرفة الشغاله

وقفت قريبتي تحت بتشوف ولقت ابوها نازل من الدور الثالث000طبعا ابوها ماانتبه لها

قريبتي شكت انه يمكن يكون عند الشغاله وكلمتني وقالت لي

قلتلها عيب عليك استغفري ربك لا تشكين بأبوك وتظلمينه يمكن رايح يصلح شي فوق ( للعلم ابوها انسان جدا

سمعته واخلاقه رائعه وحافظ يعني لما قالت لي قلت لها مستحييييل ابوك يسوي كذا لأنه مو راعي خرابيط

وشلل فاسده وسفرات ) اقنعتها انها تنسى الموضوع وماتظلم ابوها

ومع الوقت نست


واليوم كلمتني تصيح وتقولي شفتي شكي طلع بمكانه

قلت لها كيف

قالت بالليل بعد ماناموا اهلها مافيه الا هي سهرانه الساعه وحده ونص

ورجع ابوها للبيت وكان بالملحق اللي بالحوش

وراح فوق

وهي وقفت تحت بالصاله لأنها سمعت صوت باب غرفة الشغاله يتحرك وشافت النور مفتوح

شكت مره ثانيه ووقفت بالصاله تنتظر بتشوف اذا احد بينزل من فوق ولالا

وفجأه شافت ابوها نازل بس نفس الشي ماخلته ينتبه لها

وبعدين راح لغرفتهم ينام



ايش رأيكم بالكلام اللي قلته يعني ممكن شكوك البنت تطلع صدق وابوها يخون امها مع الشغاله

او تصير ظلمته


هي تقولي ساعديني ايش تسوي هل تسكت عن اللي شافته (طبعا حرام تسكت وامها تنخدع )

ولا تقول لأمها ( اكيد بتصير مشاكل وممكن طلاق )

ولا تواجه ابوها وتقوله انه شافته مرتين نازل من الدور اللي فيه غرفة الشغاله ...



للأمانه ارجع واقول ابوها انسان صالح واخلاقه رائعه يعني انا ماقدرت اصدق لما قالت لي

قلت لها يمكن الشغاله مسويه سحر لأبوك

وامها من النوع اللي حريص مره يعني مو تاركه كل شي للشغاله

يعني ماتخلي الشغاله تدخل الصاله لما يكون الأب موجود ولاتخليها تقدم الأكل له


انا قلت لها على شي تسويه 00قلت لها قولي لأمك انك مو مرتاحه للشغاله وحلمتي فيها حلم موزين

عشان تسفرونها

بس امها مااقتنعت قالت لها اذا فيه سبب مقنع وشفتي شي بعينك تعالي قولي لي

طبعا البنت خايفه تقول ماتبي تهدم بيتهم وبنفس الوقت ماتبي تسكت على المنكر




اسفه طولت عليكم 00بس والله البنت تعبااااااااااااانه وتبي حل بأسرع وقت