السلام عليكم ورحمة الله وبركاته
اخواتى حبيت انكم تساعدونى في مشكلتى وتعطونى الراى السديد
اختى تزوجت واحد ماكنا نعرف عنه شئ وجابت منه ولد واكتشفنا انو رجل غير مستقيم
وتطلقت اختى منه وعمر ولده 7شهور وبعدها اختى تزوجت وجالها ولد وبنت الحمد لله
ولدها عاش معنا حنا خواله وامى جدته معنا بنفس البيت
طبعن نسيت اذكر لكم انه كان متزوج قبل اختى وعنده بنت
طبعا حنا مانعرف اللى كان متزوجها قبل اختى
وسمعنا انه كان ياخذ بنته اسبوع ومايرجعها لمها ويدقون على جواله ويقفله واحرق كبد امها عليها
المهم كان احيان يرسل 150 ريال على ولده واحيان مايرسل شئ ابد
وتزوج بعد اختى 2 وطلقهم كله بسبب عدم استقامته
وقبل سنه تقريبا سمعنا انه اطلق النار على واحد من عيال اخته كان ناوي يقتله
واصابه برجله 3 طلقات تنوم بالمستشفى وهو دخل السجن وبعد والوجهات وحبحبت الخشوم تنازلو عن الحق الخاص
وبقا الحق العام وشمله العفو الاخير وطلع من السجن
مادرينا اليوم الا وهو جاينا ويحذف على ابوى 1000ريال ويقول باخذ ولدى طبعا ابوى رفض انه يروح معه قال ماردك تشوفه قال لا باخذه
وابوى قال هذا امانه عندى وامه لها حق فيه ماقدر اسلمه لك الا بحكم الشرع قال بشتكيك قال ابوى وانا راضى بحكم الشرع
طبعا ابوى كلم اخوانه يوضح لهم الامر وبعدها دق يقول ليش تعلم اخوانى مالهم دخل بولدى وانا بشتكيك
الولد الحين عمره 4سنوات و7شهور
والحين طالبتكم تعطونى الراى الحكيم حنا ماعمرنا طبينا محاكم ولاشئ ومانحب المشاكل لكن الطفل ذا بالذمه ؟؟؟؟؟؟؟
وغير كذا ابوه رجل غير مستقيم لو اشتكانا الحق مع مين ؟؟
لمعة طيف @lmaa_tyf_1
عضوة فعالة
يلزم عليك تسجيل الدخول أولًا لكتابة تعليق.
بنت حماتي حكم لها الشيخ عند ام امها مع ان ابوها ما هو مثل اللي يسكر بس هو على حسب الشيخ اللي عنده القضية ورؤيته نصيحه اذا تعرفون احد بالمحكمه اسالوه من افضل واحد يتفهم ودايم يحكم بمثل هذه القضايا
الصفحة الأخيرة
بس كيف نثبت عدم استقامته مثلا دخوله السجن بمحاولة قتل ولد اخته يكفى علما انه انسجن سنه وتوه طلع بالعفو
طبعا غير انه مايصلى ويسكر هذى كيف نثبتها يمكن ماحد يرضى يقدم شهاده لو بنجيب شهود الناس ماتحب المشاكل
والمصاريف مانبيها نبي الولد يعيش معنا بس مانبي منه فلوس
نبي يفكنا من شره
امه متزوجه يعنى يصير مع جدته ام امه صح