هذه عجينة العشر دقائق


الخـــــــــــــــطو ه الأولى:
٢كأس دقيق
٢كاس ماء دافي
فنجان قهوه صغير أو٣ملاعق كبيره سكر
٢م ك خميره
ذرة ملح

الخــــــــــــــــــــــطوة الثانيه:
٣كاس دقيق
نصف كاس زيت

الطـــــــــــــــــــــــــــ ــــــريقه
تخلط مقادير الاولى باليد أوبالخلاط ثم تترك عشردقائق ثم يظاف إليه باقي مقادير الخطوة الثانيه
وتصبح بعدذلك ٥كاسات دقيق

اخت ملاذ نفسي اسوي عجينك ولكن هل ارش عليها طحين وارقها بالنشابه واشكلها جاوبيني

للرفع

انا استعمل عجينة بيان لي كم سنه وأعطيتها أهلي كلهم معتمدين عليها

بالذات اذا بدلتي نص كاس دقيق ابيض بالدقيق البر تصيير أحلي بالنسبه لي

وأسوي فيها كل شي بيتزا فطاير سنمن خليه كل شي على بالك حتي الصفايح

وبعد عندي عجينه صفايح ومنقيش أخذتها من المنتدي روعه اذا تبين الطريقتين ممكن اكتبها لك بس ارسليلي تنبيه على الخاص لاني يمكن ما عاد اشوف الموضوع

بس بقولك اذا تبين عجينتك طريه لازم تعجنينها وقت كافي ولازم تزودين الماء الي تصير زي العلكه يعني تخليها طريه وقت العجن

مو تخلينها ثقيله ويابسه وتقولين مي بزينه الطريقه لان انواع الدقيق تختلف فيختلف تقبل الدقيق للماء

وبعدين لازم تكون الخميره حقتك جديده وتحفضينها بالفريزر وهذا اليي يخلي العجين تنفش مع الخبز

وبعد استعملي دقيق الكويت للمعجنات بالذات اذا عندك ضيوف

والفطاير ما تخليها اكثر من ثلثي ساعه بالفرن متوسط الحراره ولا تحترق

وعشان تنتبهيين خليها لما يصير قاعدة الفطيره ذهبي مو بني وتكون بالرف الوسطي

واذا عندك فرن كهرب زين على زين اسمعهم يمدحونه بس بصراحه ما عندي بس حبيت أفيدك

وتعرفين ان المعجنات نظجت من الداخل اذا ضغطي عليها ورجعت زي ما هي يعني كانها اسفنجه ترتفع من جديد

واذا طلعتيها لازم تغطينها بمنشفه كبيره وهي بالصينيه او كيسه بس تخليين مكان صغيير يطلع منه الهوا

وهذي النصايح الي تخلي عجينك وفطايرك زيينه

عجينة العشر دقايق وعجينة هند مافي ألذ منها واستخدمي دقيق المخابز الكويتية
وخوذيها قااعدة كل ماطولتي بعجن العجينة كل مازادت ليونة العجينة بعد الخبز
اذا مالك مزاج بالعجن اشتريلك عجانة وتمتعي بألذ الفطائر