ابي نصيحتكم

السلام عليكم ورحمة الله وبركاته
ابدخل بالموضوع واقول قصتي
انا الحمدلله تخرجت من الثانوي ونسبه مره حلوه وكنت طموحه واحب اتميز فقلت لبوي ادخل قسم العلوم الطبيه التطبيقيه
رفض ابوي هالقسم المهم وكان القسم الثاني هو الانجلش لما رحت الكليه وقابلت الموظفه قلت لها عن رغباتي فقلت لها احياء قالت لي قفل قلت خلاص الانجلش وسجلت وكنت مبسوطه وكنت بانيه امالي على هالقسم حتى اهلي كانوا فرحانين
كاني داخله قسم غير عادي المهم الحمدلله عدت السنه الاولى على خير وبمعدل حليو وكنت فرحانه والدنيا ماهي سايعتني كاني متخرجه والسنه الثانيه الترم الاول عدى على خير والترم الثاني لما بدت الاختبارات الشهريه اختبرت خمس مواد وكانت درجاتي مره حلوه واول مره من غير ماروح لمدرسه خصوصيه تصير درجاتي كذا المهم كان باقي عندي كم اختبار وكانت حالتي حاله جاني اكتئاب اول مره يصير معي وصرت ما اكل وكرهت الكليه وغبت كم يوم على اساس ارتاح لكن حالتي اخ بس صرت ابكي ودايم افكر وانام كثير خصوصا المغرب مع اني ماكنت انام وكل يوم اقول اروح للكليه لكن احس في شي يمنعني وقلت لاهلي خلاص ابي اترك الكليه تعبت من التفكير ابي ارتاح والله صرت اتمنى اني ماجبت نسبه علشان ادخل الكليه اه بس ياهي ايام سوده المهم انا كنت ابي اكمل ابي اتحمل كم الاسبوع الباقيه كان باقي ثلاث اسابيع على النهائي واصير ثالث لكن شاء الله وقررت اني احسم الامر ورحت انا وامي وقدمت اعتذار
طبعا كانت صدمه للجميع ولمل رحت احس اني ارتحت لكن التفكير مقهوره على التعب والدرجات و اسبوع اجازة الربيع الي قضيته في المذاكره وغير كذا كلام الناس وخالاتي وبنات عمي ليش تاجلي على اخر الترم وهذا مستقبلك وما ادري ايش صرت اكره هالسؤال قلت لهم المستقبل بيد الله وغير كذا من الوم كاني مسويه جريمه كل هذا علشانه قسم انجلش والوظيفه فيه مضمونه بس انا تعبت ومافي احد يراعي طبعا انا رحت لشيخ وهو ماقصر سد نفسي زياده وما استفدت شي ولحد الان احاول اني ارجع السنه الجايه بس كل مااتذكر تجيني ضيقه نفسي اكمل لكن مادري شوصار لي كرهت الدراسه وقررت اسحب ملفي واسجل في التقنيه طبعا حتستغربوا مثل غيركم وحطموني وقالوا تتركي الانجلش وتدخلي التقنيه وغير كذا وانا حالتي حاله انا لسا ما استخرت بس انا كاره الكليه اف ما اطيق اسمع اسمها بس ابي ادرس يمكن الله يفتحها فوجهي في الحاسب والاقي بعدها وظيفه
الي ابي منكم اولا تدعون لي بالتوفبق في حياتي وان الله يبعد عني شر الحاسدين
ابي اسالكم عن اي وحده في كلية التقنيه قسم حاسب الي دعم فني وتوظفت لاني سمعت انهم مايلاقوا وظايف
وهل البنوك تقبل هالشهادة هي دبلوم او الاتصالات
وعطوني حل شافي لاني مكتئبه تو طلعت درجات صديقتي وما شاءالله حلوه وعاد انا قمت اقول ياليتني كملت والعبره خانقتني ابي حل من التفكير ابي ارتاح في العطله انصحوني وادعو لي