ابي نصيحتكم ..

حبيت انثر مشكلتي هنا يمكن تفيدوني..لاني اعتبركم اخوات لي
مشكلتي اضرب بنتي عمرها 5 سنوات كثير
ووالله اني ابكي ومقهوره من نفسي.. بس ماالقى الا ونا ماده يدي عليها
انا طبعي عصبيه ..وماعندي صبر ابد وفي نفس الوقت عايشه مع اهله ببيت واحد
وهم اسره كبيره شوي
كنت ابي بنتي مثاليه بزياده.. والصراحه هي كل شي فيها تمام يعني ماتعرف الكلام الشين واكلها بأدب يعني ماندمت على تربيتي فيها بكل شي
إلا انها الله يهديها حركيه شقاوه اطفال يعني..وعنيييييده مره
ماتتصورون الخميس اللي طاف كيف انهرت
تخيلو قلت لها يالله رتبي سريرك وقالت ماعرفت ارتبه قلت رتبي العابك من ارضيه الغرفه وجلست تعاند وتماطل
وقتها مدري وش صار فيني روميتها بعلبه كانت جنبي
وفجأه جات براسها .. الا والدم طالع بغيت انهبل والله اني اكتب ودموعي على خدي
وودينها للمستشفى وسولها غرز .. والله انقهرت من نفسي حسيت اني حقييييره ..
لا واللي قطع قلبي تقولي لاتروحين معاي المستشفى مااحبك انتي دايم تضربيني
ويوم رحت معاها وابي امسك راسها تبعد يدي منها ولاتبي تقرب مني
كرهت حياتي ياناس
مدري وشفيني .. يمكن لاني انحرمت من حنان الام من انا صغيره وتعودت على إهانه زوجات الاب
ااااااه ..
الحين علاقتي معاها زينه كلمتها وقلت لها انا احبك انا امك بس انتي تزعليني منك..
وبديت اتقرب منها اكثر.. بس مابي الموقف يتكرر مني
اخاف اتهور ثاني مره واضربها
وعندي اختها عمرها سنه ونص اضربها بعد بس مو مثلها ..
ارجوكم ادعولي الله يصبرني ويسخرني لهم
ابي نصايحكم ابيكم اخوات تسمعوني وتوجهوني
بس تكفون بدوووون تجريح ..