ابي نصيحتكم احس نفسي بنفجر

انا عندي حاله غريبه مرررره 

مدري مرض مدري وسوسه مدري تربيه 
مدري وش اقول 
فيني حاله غريبه اني نظيفه ومنظمه لابعد درجه 
مااحب شي يتغير عن مكانه 
طبعا عندي اطفال وزوجي فوضوي 
انا غير احب النظافه والترتيب والنظام 

مستحيل انوم وبيتي فيه لو ملعقه ماغسلتها 
اذا عندي غسيل ملابس اغسلها من الصباح 
ارتب انظف حياتي كلها كذا منظمه لابعد درجه 
وهذا سبب اني ماابي الشغالات مايصبرون علي ونظافتي 
ساكنه باجار وتعرفون الاجار يكون غرفه محدوده 
عشان كذا صاير بيتي مررره بسيط 
يعني فارشه البيت كله موكيت ومساند 
وودي كل فتره اغير 
وهذا سبب نفسيتي ان زوجي مايرضى ويقول اجار 
والواحد نفسه يجدد في حياته شوي يعني كل ست شهور شي 
مره غرفة الجلوس مره الصاله 
بس هو يرفض وانا ازعل وانفس 
غير اذا صلح الشي مايصلحه مثل ماابي اي كلام بس يسكتني واذا قلت شي شب فيني 
يدفع فلوس بس مايصلح الشي زين 
تو سويت مجلس بمبلغ غالي مرره ماسواه على مزاجي طبعا بعد ماركبوه مستحيل اقول شي ولو قلت ماراح يغيره 
كل يوم طالعه بشي مره بالمطبخ مره بالصاله مره بالحمامات مره بغرف النوم 
امس صلح سلك التلفزيون واسحبه من الموكيت وصار طالع برى وانا تضايقت ليش يطلعه برى شلون بدخله الحين ولموكيت كله ملزق 
ومنا كلمه ومنه كلمه والا الان زعلانين 
بتحسون ان مشكلتي غريبه بس ودي بحل 
مليت من هالسالفه 
انا طووول الوقت ارتب وانظف وهو والعيال يحوسون
وانا ابي تغيير ببيتي لو شي بسيط وهو مايرضى 

صراحه ودي اصير مرتبه بس مو لدرجة الحاله ذي 
الي معي وخواتي يقولون نجمع الشي واخر الاسبوع نقوم عليه ماياخذ 3 ساعات 
ووسط الاسبوع عايشين ومرتاحين 
اما نكرف طوول الوقت صعبه 
انا لبدنك عليك حق 
بس انا ماقدرت اطبقها مع اني اتمنى ذي الشي 
والله حتى لو قطعه صغيره بالارض تاكلني يدي اقوم اشيلها بالزباله 
دمي حار وتعبت واتعبت الي عندي واولهم زوجي واطفالي 
كل وحده تدخل تدعي لي ان الله يشيل ذا الشي من تفكيري واصير بارده 
لعل احد يستجاب له دعوه