ابي نصيحتكم بخصوص وظيفه

الله يوفقك اختي و للترجمة فية برنامج اسمه الوافي يترجم نص كامل بس ترجمة حرفية >> لابد من التدقيق في الكلام المترجم من الناحية النحوية و اللغوية و هذاالله يعينك عليه
موفقة عزيزتي

أنا نصيحتي ماتقبلينها
أول شي الدوام طويييييييييييل والراتب مايسوى كل هالعنا
راح تلقين وظيفة أريح منها ان شاء الله خاصة ان عندك لانقوج وكمبيوتر
فربي راح يرزقك بإذن الله
لاتحطين في بالك انه مافيه وظايف
انتي عندك مقومات تسهل لك التوظيف
حتى لو مالقيتي حاولي تشتغلين لحسابك الخاص
وانتي في البيت راح تجيبلك دخل أكثر
بس بسألك انتي من أي منطقة؟؟

برينتر

مشكووووووووووووووووووره اختي

برنامج الوافي اعرفه وانا استخدمه في دراستي
اشكرج

الله يرزق الجميع

مشكووووووووووووووره اختي
لكني مافيه وظيفه انا دوووووووووووورت لين قلت بس لدرجه تعبت

ومالي غير هل الوظيفه بجرب حظي فيها
وبالنسبه لي انا مو من السعوديه من الكويت حطيت لكم الراتب بما يعادل ال1000سعودي لان معظم البنات هني
من السعوديه علشان يفهمون على ويشوفون الراتب هو فعلا موشي بس الله كريم والحمدالله على كل حال

وشلون اشتغل لحسابي الخاص في البيت لو عندك فكره ياليت تفيديني؟

شوفي حبيبتي الله يوفقك ويرزقك من عنده
راح أكتب لك بعض الأفكار إللى في بالي اللحين وإذا استجدت عندي فكرة راح أكتبها بإذن الله

1/ ممكن تفرغين ملازم للطالبات إللي في السنوات الأولى من دراستهم للغة الانجليزية
وهذي ماشية عندنا كثييييير بالسعودية والطريقة إنك تتعاملين مع وحدة من الطالبات بحيث تسجلك المحاضرات أول بأول وإنتي تاخذين منها الشريط وتفرغينه لو للمواد الصعبة بس مش كل المواد علشان ماتنضغطين
لكن هالشغلة يبيلها إلتزاااااااااااااااام وهي والله مربحة جدا

2/ ممكن تطبعين كروت عليها الرقم (لو رقم تطلعينه خاص بس حق هالشغلة بطاقة مثلا) واللقب وتكتبين فيها انك على استعداد لطباعة الأبحاث والترجمة وتوزعينها في الجامعات والكليات بحيث ان مثلا الورقة الوحدة لها سعرها وراح تجيك العروض بالهبل تعرفين طبعا الشطارة والنشاط عند طلابنا مايحبون يعتمدون على أحد أبدا :)


3/ ممكن تتعاملين مع مكتبة تقولين لهم أي عرض طباعة يجيكم اقبلوه وعطوني إياه أكتبه ولكم نسبة

4/ إذا حابة تقدرين تعملين دروس خصوصية في البيت وراح تربحين من وراها خاصة إنك خليجية الناس راح يوثقون يجيبون عيالهم عندك طبعا إذا ظروفك تسمح

هذا غللى قدرت عليه اللحين وان شاء الله تناسبك الأفكار وأي خدمة أنا تحت أمرك وأي استفسار أو فكرة مافهمتيها أنا حاااااااااضرة