ابي نصيحتكم عن الشغالات والسواقين

مراحب
يابنات ياحلوات اسالكن عن الشغالات الله يحمينا من شرهن وغشهن ووووووو......
اولاً: ماهي افضل جنسية صراحة انا مالي حظ ابدا معهم تخيلوا ان التي عندي الآن تنام في الصالة اثناء مشاهدتها للتلفزيون وذلك الساعة 7-8 عشاء ومنعتها من ذلك ففتحت الراديو على اغاني عربية
وكسولة جداً بحيث انها تلتقط الشيء من الارض دون ان تحني ظهرها وذلك باصابع القدم‍‍‍‍ وادفها على الشغل دف وهي شاطرة في شيئين اثنين الاكل والنوم ماعمري دخلت المطبخ عليها الا وافمها مليان في اي وقت ووجبة الفطور تتناولها فقط 2-3 مرات
والمغرب تسوي لها نسكافيه وتاخذ شي حلو وتجلس رجل على رجل على طاولة السفرة وتستمتع ولا احترام لي انا وهي تشوفني داخلة طالعة من المطبخ اسوي الشاهي وغيره وهي فاضية وانا موظفه اجي من العمل والى المطبخ وهي لا تحرك ساكن
حتى الاستحمام انا لابد آمرها عليه ولا بعد ذلك ماتغير ملابسها الداخلية والخارجية الوسخة بعد الاستحمام
حاولت اعلمها كل شي بس هي كسولة جدا وعادة نفسها راعية البيت ما تامر نفسها على الشغل
بصراحة انا ماستفدت منها اي شي لكن ما اقول الا حسبي الله على قريبتها التي خدعتني وهي مسؤلة في المكتب اللي جابها لي مدحتها لي كثيرا حتى انها ارسلتها بسرعة غير متوقعة
المهم اني خلاص زهقت منها ومن كسلها وبلادتها ووساختها اللي ايدها دايما في انفها (اسفة جدا لذكر ذلك لكني مضطرة )وللاسف اني مضطرة اخليها تطبخ وانا في الدوام
اما الغرفة اللي تنام فيها تصدقون انها تعتقد انها تملكها هي ودورة المياه اللي تستخدمها مع العلم انها الوحيدة في البيت غير حمام الرجال طبعا وفيها الاقي ملابسها الوسخة مجمعه لعدة ايام ولا تنظف الحمام وكسرت كل شي فيه بدون مبالغة لاشي صالح فيه وعندها مغطس وتتروش على البلاط؟؟؟؟؟
وتخرب الاشياء ولا تتكلم تقول صلحوها
كل البلا من اختها حسبي الله عليها تكلمها وتحضها على العصيان حتى اني اضطررت لقفل الغرفة على الهاتف عندما اذهب للعمل مع اني بامس الحاجة الية لالاطمئنان على بناتي وهي ماترد علي حسبي الله عليها بس تعرف رقم اهلها وترد
المهم انا مابي اطول عليكم السالفة وهي ماراح تخلص بس
ارجو منكن النصح كيف اسفرها وافتشها واوصلها المطار من غير ما تدري انها بتسافر الى بلدها حتى لاتكون لها فرصة تسوي بلاوي وهي اصلا طالبة تسافر عندما وصلتها رسالة من اختها تخبرها انها استلمت المبلغ الذي ارسلناه لها علما باني اخبرتها بانها ستسافر على حسابها فكرت قليلا وبدات تعمل لي مشاكل كثيره وتقول ما يهمني اخصمي من راتبي وانا فعلا راح اخصم منه مقابل سفرها ورفضها للعمل وتخريبها لاشياء لاتعد ولا تحصى بالبيت ومكالماتها وعدم عملها لمدة اشهر طويلة
هل ممكن اكلم المكتب وقريبتها واشرح لها حتى تعرف االمشكلة وانها هي بدات بالاساءة افضل من انها اذا راحت تكذب علي وممكن يسوون لي مشاكل انا في غنى عنها الله ينتقم منهم لاني ماشفت من وراها الا المشاكل وانا وحده مراعيتها اكثر من اي شغاله جت لي من قبل لكن المثل يقول ان انت اكرمت اللئيم تمردا وحسبي الله ونعم الوكيل

ودعواتكم لي بالخلاص منها بدون مشاكل وان الله يكف شرها عني وينتقم لي منها

وسؤال آخر وهام انا محتارة اي جنسية اجيب صراحة انا بيتي صغير بس ابي وحده امينة وما تكون كسولة ومتوحشة وغبية مثل هذي ودي اجيب شغالة وسواق وهل الافضل تكون الشغالة اخته او زوجته لاني مضطرة اداوم مع سواق واي جنسية افضل من تجاربكم؟؟؟؟

اسفة على الاطــــــــــــــــــــــــــــــــــالة اعذروني فالقضية هامة جدا بالنسبة لي وممكن غيري يستفيد من تجربتي وعلى فكرة ترى هذي اللي عندي فلبينية وشايفة نفسها مدري على ايش؟؟ والله المستعان