ابي نصيحتكم كيف اتعامل مع سلفتي؟

السلام عليكم ورحمة الله وبركاته
كيفكم ان شاء الله تمام
بنات انا محتاره ومادري من وين ابدا..
:(:(:(

انا تزوجت وتوني اللحين اكمل سنتين من زواجي.. وطبعا ساكنه مع اهل زوجي بس فوقهم شقه بالحالي وعندي جااره ماتعرفت عليها الا بعد ثلاث شهور من زواجي تخيلو حتى ماشفتها..
الا بنفاسها بعد زواجي بشهر
انا كنت متضايقه منها بالبدايه لانها ماجت تسلم علي ولا تبارك لي بالزواج وانا اللي رحت لها تخيلو يوم نفاسها
مع انها ولدت بعد مارجعت من شهر العسل وكنت بالبدايه عندهم بالبيت ..
هي بصراحه ماشاء الله عليها متدينه لابعد الحدود وانا بنت مررحه بقووه واحب اسولف واضحك واتكلم مع الكل
وهي ماتنزل كثير عند ام زوجي يالله بالشهر مرررره هاذا اذا شفتها انا بعد
انا وام زوجي كننا خوات والله العضيم من كثر ماتحبني ماعتبرتني مرة ولدها لاني واصله لها
الالمهم خلونا نرجع لسلفتي..
بعدين اذا تكلمت اوقعدت اسولف مع احد تنقهر مع انه انا اذا جيت وجلست جنبها وابي اسولف معها تقولين ذابحه احد من اهلها وتنقهرمني اذا جلست اسولف مع العالم اللي حولها تقعد تراقبني وانا مطنشتها..
احيانا اقول انها تغار مني لان اللي حولي يمدحوني ومااقولها مجامله لي لا بالله هذي الحقيقه ويفرحون اذا جيتهم
وهي ماتجي احد ولاعليها من احد ...
وبعدين فيه شي يرفع ضغطي هي تعامل الي حولي معي اذا هي موجوده يتكلمون عن الدين وتقعدين كانك بمحاضره دينيه ويطلعوني اني عاصيه وينصحوني قدامها وهاا اللي يقهرني زياادهمع اني ولله الحمد ملتزمه شوي واخاف الله احيانا اطنش واحيانا ارد عليهم
واذا راحت يتكلمون معي عن الاعراس وعن الموضه وعن اخر شي نزل وهاذا اللي يغيظني اكثر
المهم مره سالت اخت زوجي ليش تتكلمون كذا جت سلفتي يقولون خلينا نقعد على مزاجها .. طيب انا ماحب اقعد على مزاج احد انا احب اجلس على مزاجي انا ياسلام..
وتخيلوا مره جالسه اتفرج على مباره كرة قدم << هلاليه
واشجع جت هي دخلت قامت ام زوجي قالت طفي التلفزيون ليش عشانها موجوده ياسلام وانا اتابع طيب طبعا رحت طفيته عشان ام زوجي مو عشانها المشكله ان ام زوجي كانت تشجع معي وانقلبت علي يوم انها جت
.. ومره كنت جالسه واسولف ونطقت كلمه غلط عكست في الحروف قامت تتريق علي مامداني اخلص الكلمه الي رديت عليها وهاوشتها وقعدنا يمكن ربع ساعه اثاريها كانت تغلي من داخل وراحت قالت لي اناماسمحلك تتكلمين عني ومااحللك ولابيحك تتكلمين من وراي
وانا كنت مغتاضه منها رحت اكلم اختي عنها وهي شكلها سمعتني وانا بالجوال واختي كانت تنصحني تقول اعتبريها زي اختك انتي وياها ببيت واحد.. عاد انا قلت لها مادامك تكلمتي خلينا نطلع الي بقلوبنا على بعض
رحت قلتلها انا ... انا ماتكلمت عليك ولاعنك.. تتريقين علي وتبيني اسكت وانا وانتي ببيت واحد مو نجلس مع بعض ندور الغلط على الثاني تقول انا مادورت عليك غلط ولافكرت.. قلت خلينا خوات وربي انا اعتبرك زي اختي تخيلوو ايش ردت علي :(:(:(
انا ماحتاج خوات احنا حموات مو لازم نصير خوات انا انزل لام زوجي
بعد هاذي السالفه صارت تنزل يوميا واذا شافتني يوم تسلم ويوم لا
واحيانا تدخل ماتسلم علي تسلم على ام زوجي
واذا تكلمت مع ام زوجي تنقهر تدخل نفسها بالسالفه مع ذالك انا اسولف معها ولا اكسحها ولا اقول شي مخليه الوضع عادي... وام زوجي احسها متغيره علي ماهي زي قبل معي
بس انا ابي اعرف..
بالله كيف اتعامل معها...
هل اطنشها ولا كيف اتكلم معها لاني اذا جلست معها احس اني منافقه والله العضيم احيانا تكون موجوده ولا اتكلم ولاافتح فمي مع اي احد بكلام ماغير السلام عليكم كيف الحال فقط ومع ذالك ماسلمت من كلامها وتدخلاتها في مواضيعي وانا ابي نصير زي الخوات مابي بينا اي حساسيه وهي مو متقبلتني باي شكل من الاشكال لانها تغار مني ..
..:(