ابي نصيحتكم والي ترد علي جعل الله يفرج همها

السلام عليكم خواتي
ابي نصيحتكم ياخواتي الرجاء كل وحدة تقرا موضوعي وعندها نصيحة لاتبخل وما كتبت لكم الا اني ابي نصيحتكم واعتبروني اختكم
بدخل بالموضوع انا لي فترة الحمدلله ربي هداني والتزمت و صرت ما اسمع اغاني وحتى الغيبة والنميمة الحمدلله بطلتها يعني تواصلي مع الناس خف كله عشان اتجنب الغيبة والنميمة انا ماقاطعت احد ولكن خففت ، فأنا بصراحة حاسة ان من بعد ما التزمت الناس اتغيرت اتجاهي لاني اصبحت اقول كلمة الحق يعني قبل فترة اجتمعوا اقاربي و هم عندهم سماع الاغاني عادي المهم قلت لهم انا ماراح اجتمع معكم اذا في اغاني في جمعتنا ، جاوبوني البعض منهم بـ ( بكيفك حنا نبي ننبسط) انا تضايقت بسبب احساسي بأنه لا قدر لي عندهم ولا احترام ، ولي فترة ماشفتهم ورجعوا اجتمعوا مرة اخرى ببيت وحدة منهم وكلموني انهم بيشغلو ديجي وانا زعلت وقلت لهم انتم عارفين وش موقفي على الاغاني ، و نفس الرد السابق تكرر .. انا زعلت وتضايقت حيل ..رغم انهم كانو قريبين مني حيل قبل التزامي وانا ماقصر معاهم كنت بكل مناسباتهم والحين ماحد مقدرني ، يعني الواحد اذ التزم الناس تبعد عنه ، تخيلو يا خوات وحدة منهم كانت قريبة مني بالحيل من عرفت اني التزمت وماعاد اغتاب الناس قطعت اتصالاتها عني ، فقررت بيني وبين نفسي اني ابعد عنهم بشكل نهائي ، اعتبروني اختكم وشورو علي الله يسعد قلوبكن وقلب كل وحدة ترد علي