ابي نصيحه منكم

سلام عليكم انا بنت بالثانويه حاليا و السنه الي طافت بشهر ٦ اهلي قفطوني اكلم ولد، امي وابوي اثنينهم درو وسوو سالفه و خذو مني تليفوني حق كم شهر بعدها رجعو على اساس انه يثقون فيني و الغلطه ماراح تتكرر وانا فعلا تعلمت من غلطي و ما رديت كلمت ولد. لين شهر ٢ حسيت ب ضيقه شديدا لي الدرجه الي قلبي يوجعني من كثر التفكير. عموما ف قررت ارد اكلم و حطو في بالكم انا ما اكلم عشان شهوه او شي ثاني انا اكلم مجرد عشان ادور اهتمام لان اهلي مو مهتمين فيني و امي تدري اني امر بفتره صعبه نفسيا بس مطنشه الموضوع مو هامها. و ابوي دوم مشغول ف ما يدري عني اصلا. عشان جذي انا كلمت لان ادري الولد بيهتم فيني، بس هالمرا سويت غلطه مرا كبيره و رحت قابلت الولد في الصج. ماصار بينا زنا او شي كذا بس قابلته. و كملت اكلمه لين شهر ٥ و هما قفطوني بعد مرا اكلم، و ابوي رده فعله مرا صدمتني. ما ضربني ولا شي بس سالني قالي احنا بشنو مقصرين معك؟ وانا قلت انه انتو مو مهتمين فيني وهوا قالي الا احنا مهتمين دوم نعطيك فلوس متى ماتبين و نخليك تطلعين على كيفك و كلشي تبين نشتريلك، و قلت انه انا ما اقصد كذا و فهمته الي اقصده،، و المهم دق على الولد و سفل فيه بعدها انا اعتذرت من امي وابوي و قلتلهم ادري اني غلطت بس انا ضايعه و الشيطان قص علي بس انا خلاص بتوب و بسمع كلامكم بس ابيكم تساعدوني. وبكيت عند ابوي، و قالولي بناخذ منك الجوال لين مانشوفك متغيره.. طيب و الصيف جاي كيف بطلع مع خوياتي؟ كيف بسوي اي حاجه؟ ياخي مدري شسوي بس ابيهم يشوفوني متغيره ويردون جوالي شنو اقولهم او شنو اسوي شي ممكن يقنعهم؟ و على فكره انا خلاص فعلا بتوب و تبت ماراح اكرر هالغلط و اذا حسيت انه محد مهتم فيني بكلم خويتي. انا كنت في عز المراهقه و قصو علي اصدقاء السوء، بس انا فعلا بتوب. شنو اقدر اسوي ابي نصيحه ابي مساعدتكم؟