السلام عليكم خواتي الغاليات بقولكم السالفة بالتفصيل الممل وانتوا فسروها لي ...
يو م الخميس كان عندنا حفل ملكة بنت اخت زوجي..كانت الحفلة طبعا كبيرة اهل زوجي كلهم حاضرين وكنت بدون مبالغة في قمة الاناقة ونجمة الحفل بشهادة الجميع حتى زوجي انهبل علي وكان ما يبي يخليني احضر الحفلة لان خاف علي من العين ...وصلت الحفلة وكانت الحفلة في بيت اخت زوجي رحت للطابق الثاني عشان اشيل العباية والشيلة والغطوة واعدل شعري قبل لا انزل اسلم على الحريم وانا اعدل شعري دخلت بنت عم زوجي وسلمت علي وقالتلي ما شاء الله اش هالحلاة وكانت اخت زوجي موجودة بنفس الغرفة يوم شفتها الا نظرتها نظرة وحدة مو عاجبها الكلام اللي قالته لي بنت عمها مع اني والله يا بنات ما بيني وبينها شي والحمدلله اني شايلتهم فوق راسي وبحسبة خواتي ...قلتلها يلا يا فلانة ننزل نسلم على الحريم ونزلنا كانت جدامي لما كنا نسلم وانا وراها وتسمع مدح الحريم لي وانا والله مالي ذنب مع اني قلت لها انك تجننين اليوم بلبسك وشعرك ومكياجك وبعد ما سلمت وكنت رايحة اقعد على الكرسي وكانت واقفة وراي تتوقعون اشسوت...؟؟؟ قامت وداست على طرف فستاني والله يا بنات اني كنت بطيح على وجهي جدام الحريم بس تداركت الموقف بسرعة ومسكت الطاولة وجت سليمة و لما لفيت وجهي ابعرف السبب شفتها قاعدة تضحك وتطالعني انا ما قلت لها شي ورحت قعدت على الكرسي بعدها بكل وقاحة جت قعدت جنبي وتقولي ترى انا اللي دست على فستانك قلت لها ماله داعي هالحركة البايخة مرة ثانية لا تسوينها (للعلم عمرها 22 و انا 24) يعني مافي احترام لزوجة اخوها وتميت طول الحفلة ما اعطيها وجه ولا اكلمها لما حست بغلطتها واعتذرت قلت لها حصل خير مع ان علاقتي معاها في البيت (لاني انا ساكنة عندهم ) زينة بس ما ادري شنو معنى حركتها هذي فسروها لي الله يخليكم حتى انا انصدمت من تصرفها الغريب....
بنت البلد انا:) @bnt_albld_ana
عضوة نشيطة
يلزم عليك تسجيل الدخول أولًا لكتابة تعليق.
سماح555
•
بالعكس لا غريب ولا شي ولا يهمك لهالتفاهات لانها يبو انها غيرانه منك على كل استوعبيها حبيبتي وما تزعلي منها الله يبعتلها ابن الحلال وتنسيش انكم جيل واحد والغيرة واردة بس بتضلي الاكبر والاوعى ما تهتمي
سماح555 :
بالعكس لا غريب ولا شي ولا يهمك لهالتفاهات لانها يبو انها غيرانه منك على كل استوعبيها حبيبتي وما تزعلي منها الله يبعتلها ابن الحلال وتنسيش انكم جيل واحد والغيرة واردة بس بتضلي الاكبر والاوعى ما تهتميبالعكس لا غريب ولا شي ولا يهمك لهالتفاهات لانها يبو انها غيرانه منك على كل استوعبيها حبيبتي وما...
الصفحة الأخيرة
والله اعلم