ابي وحده حكيمه وعندها خبره للشغالات

بنات انا مره مقهوره من شغالتي عندي لها سنتين وبصراحه ماشاء الله شغلها ونظافتها للبيت وعيالي شي لا يوصف واول مره تشتغل عندي وماتبي اي بيت ثاني تشتغل فيه لان بيتي مو كبير وعيالي بس 3 المهم انا انسانه ولله الحمد ملتزمه يعني اغاني في البيت مافيه ومسلاسلات وخرابيط في البيت مافيه وحاطه لعيالي تلفزيون في غرفتهم كله قنوات دينيه وكرتونيه حتى هي اثر فيها الدين وصارت تشتري اشرطه للشيخ العفاسي واناشيد اسلاميه والحمد لله المهم قالت يامدام انا بجدد سنتين عندكم انا مره فرحت لان عندي ولد معاق ويحبها وهي قايمه بتمارينه بالحرف الواحد بس قالت ابي جوال وزيديني في الراتب قلنا تستاهلين وشريت لها شريحه بدون اسم وعطيتها جوال قديم عندي قلت اسمعي تكلمين اهلك وبس في اندونيسيه وهم يكلمونك غير كذا ماابي وحلفت لي قالت خلاص قلتلها اي رقم غريب اي ملاحظه على البيت والاولاد اشيله قالت خلاص خليه معي شهرين وشوفي المهم بنات هي ماتعرف للسجل وانتم عارفين ان السجل يسجل كل شي وكل مافتحت جوالها القى المكالمات الصادره والوارده كله اندونيسيه المهم فتحت السجل الا فيهم رقمين غريبه موبايلي في السعوديه تكلمه الساعه وحده في الليل يعني اذا نمنا ونامو عيالي بس ماتطول دقيقه دقيقتين اذا طولت خمس دقايق ورسايل لها الرقمين المهم عطيت ارقامهم لاختي لاني انا لو اتصل من جوالي هي حافضته وحافضه جوال زوجي وتدري ان نراقبها المهم تقوا اختي كلهم طلعو رجال ومن نفس اللهجه يعني اندنوسيين من وين تعرفت عليهم مدري بنت اللذينا اختي بسرعه سكرت وقالتلي انهم اندنوسيين وهي تقول ماعندي احد في السعوديه زوجي وخواتي كلهم باندونيسيا تكفون بنات وش اسوي كيف اسحب الجوال قبل لاتجيبلنا مصائب انا الغلطانه اللي اعطيتها الجوال ماهي قد الامانه انا اخاف تتغير على عيالي وتصير تضربهم وتنومهم عشان تكلم او يصير مصائب انتم عارفينها عطوني حل من دون لاتزعل وتقول ابي اسافر مره انا محتاجتها ولدي من هنا ودراستي من هنا كيف كيف ابي طريقه تصلحلي انا وزوجي يقول مالي دخل انتي اللي عطيتيها الجوال وانتي اللي غلطانه وانا ماارتحت للجوال وانتي تتحملين مسؤليتها ومصايبها اخذيه منها مثل ماعطيتيها