crochet.kd :

ياقلبي وضع الوافدين حاليا في الكويت مو مثل قبل ومخالفة الاقامة بتضركم ما هي بنافعتكم ممكن حتى ما تقدرون تاخذون اقامة مستقبلا ارجعي بلدك افضل لحد ما يقدر يرتب اموره طيب زوجك شنو شغله وشهادته ترى حاليا الاعمال البسيطة مافيها دخل يكفي مثل قبل خاصة لو حسبتي انج بتدفعين تامين واقامة ومدارس وور اذا انتي عندج شهادة او حرفة دوري شركة وتوظفي تصير اقامتج على الشركة مو على زوجك وتساعدين بالراتب بالنسبة لزوجك اذا معاه ليسن اللي هي رخصة القيادة خل يشتغل سائق يوصل مشاوير طلاب او لو او وممكن يتعامل مع التاجرات اللي تارسين الانستقرام عندنا وعلى كل مشوار بيحصل 3 دنانير يعني يوميته بالقليل تطلع 10 دنانير خير ونعمة من فضل ربي وانتي كذلك ممكن تشتغلين اي شي بالبيت وتساعدينه ادا انتي شاطرة بالتدريس درسي بالبيت بتطلعين ذهب واذا انتي شاطرة بالطبخ كذلك هالشي دارج عندنا واذا انتي حلوة وجسمج مرتب ممكن تشتغلين عارضة ملابس بمعارض نسائية يومية المبتدئة 10 دنانير واذا زاد الطلب عليها والزباين يوصل ل40 و50 باليوم واذا اسلوبك حلو ولج حظ اشتغلي بياعة بالمعارض وباسلوبك تمشين البضاعة وبيمسكون فيج التاجرات بايدينهم واسنانهم وكذلك مبدئيا 10 دنانير باليوم واذا ما تقدرين على اي شي ارجعي ديرتك وهلي زوجك يرتب وضعكم ويطلبك بعدين

ياقلبي وضع الوافدين حاليا في الكويت مو مثل قبل ومخالفة الاقامة بتضركم ما هي بنافعتكم ممكن حتى ما...