خـــواطر @khoatr_10

محررة ذهبية

اتبعــــي هالبرنامج وشوفي وش يصير لك..بعدين قولي خطورة قالت!

الســـــلام عليكم ورحمــة الله وبركاته..

هـــذا الموضوع كتبتـــه بقسم المشكلات الاجتماعيه فقط.. (وهو مني شخصيآ..)

لكــن مع الوقت اكتشفت ان فيه خير عظيم وانه غيــر مساار ناس كثير:)

وللــه الحمد..
وندمت اني ما وضعته لكم ..
لان الغالب منكم قليـــــــــل جدآ دخوله لعالم المشكلات..

وهــو من قلبي لكم ..
ياليت المشرفات ما يغلقونه او يحذفونه

والله فيه خير عظيم واتمنى انه الكل يطــبقه ويستفيد منه ويحتفظ فيه عنده لما فيه من خير عظيم وانا مابي منكم الا الدعااااء :)

انا دايــم انصــح بنات بهالبرنامج وهالنصايح .. والحمدالله الخير موجود وكثير :icon28:

بس مدري ليش غفلت اني ما انزله لكم بالعام....

حان وقت اني انزله لكم وبالعام..

ولاتنســوني من دعواتكم...

لان هالبرنامج مني انا وانا لامسته بعيوني وشفت كيف الخير فيه..

بخصوص البرنامج باعطيك اسـس ترتكزين عليها وتخلينها اساس بحياتكـ.. ماتتخلين عنها ابدآ..

1/الصــــــــــدقه.. ياقلبي تصدقي كثير
ترا الدعوات تستجيب اذا جيتي تتصدقين ياعمري..

اقولك شلون::
خلي عندك صندوق صغير(وكل يوم كل ماتضايقتي تصدقي لو بريال)ونهايه كل شهر او شهرين او ثلاث (جمعيهم بظرف)وعطيهم اخوك يوديهم لاي جمعيه او اي مصلى ..
بتشــــوفين كيف الخير الكثيــــــر

ربي ينصرك وياخذ حقك ويحقق امانيك..>> عن تجربه شخصيه مني ترا :)

ثانيآ:: الاستغـــــــفاااااار استغفري كثير بنيه شيء تبينه الين يتعود لساانك انه يستغفر كثير...

ثالثآ:: نامي ياقلبي.. وانتي قلبك ابيض صافي مش شايله على اي احد ولا حتى لو ذره كره او حقد او انتقام او عتاب ابد ابد..
فوضي امرك الى الله فأنه بصير بالعباد..

رابعآ:: كرري دومآ قول لا اله الا انت سبحــــــانك اني كنت من الظالمين...

خامسآ:: اقري سورة يــس(بعدين ادعي باي شيء تتمنينه)ربي بيحقق لك الي تبينه ان شاءالله

سادسآ:: كوني باره بامك وابوك وشيلهم شيل وحطيهم بعيونك واغليهم ياقلبي ترا دعواتهم تسعدك وتغير نصيبك للافضل
قولي لامــك ادعــــــــــــــــــــي لي يا امي ترا دعواتتك تستجاب
اعرف بنات.. متوفقين بحياتهم بشكل!!!! وكله من دعوات اماتهم.. كل يوم كل لحظه بري بامك وابوك خلي امك تدعي قولي لها ادعي لي يا ماما
ترا احيانآ يجهلون قيمه ان الامهات دعوتهم لابنائهم تغير حظهم ونصيبهم يا اللاسوأ اذا دعو عليهم او للافضل اذا دعوو لهم :)..

اقري سورة البقرة بإستمرار..

واهم من هذا كلــه..
الثقـــــــــــــــــــه برب العالمين
ثقي فيه ثقه تااااااامه
ادعي ربك فهو يستحي ان يردك صفرآ..

كافر دعى ربه ثلاث مرات وكل مره كانت الملائكه ترده
الله سبحانه مارضاها للكافر كيف ترد عبدي وقال لبيك لبيك لبيك ثلاثآ
وهذا للكافر.!

فكيف انتي المؤمنه التقيه النقيه :)
الله عند حسن ظن عبده به فليظن به مايشاء

اذا ظنتيني بربي سوء لك ماظنيتي به
اذا ظنيتي خير لك الخير كله
ادعي ادعي ادعي

عيشـــــــــــــي حيااتك تراالدنيا ماتسوووى وقصيرة
انتي زعلانه على ماضي.!!
خلاص انسيه عيشي حدود يومك عشان تعيشين اجمل سنين عمرك..
احمـــــــــدي ربك
عندك مواصفات ماهي عند اي وحده
مليون الف الف وحده تتمناها

ترا كل وحده فينا عندها ميزه ماهي عند غيرها:)

اقســــــــم لكم يابنات ان الجمال ماهو كل شيء...

مثال:: من واقع حياتي..

وحده ملكه جمال:: يوم جت تحكي صوتها عالي واخلاقها زفت ونففسها عند طرف خشمها
وحده عاديه ومتوسطه الجمال:: صوتها هادي واخلاقها عاليه ونفسها طيبه

سبحان الله كيف احلوت الثاني بنظر الجميع والملكه الجمال طااحت من عيون الجميع وماصار لها اي صيت او اي معنى.!

عيشي حياتك انبسطي اطعلي روحي وتعالي وثقي بربي واقنعي نفسك ااانك بتعيشين اجمل سنين عمرك عشان حياتك وسعاادتك انتي الي تبنينها وعلى اساسها يكون هو بيتك ودنيتك..

اضحكي من اعمااق قلبك
لاتستلمين للحزن ابد

انبسطي
اعلمي ان الدنيا ماتسوى عند ربي جناح بعوضــه:)

والله يسعد قلبوكم يارب

محبتكم للابد:: خطورة:26:

471

34K

يلزم عليك تسجيل الدخول أولًا لكتابة تعليق.

تسجيل دخول

بنت المتنبي • 17 سنة

جزاك الله كل خير أختي خطورة وكتب آجرك بكل حرف .

**متفائلة** • 17 سنة

يا جعلك في الجنه ياخطوره تسلم يدينك اللي خطت لنا هالدرر....الله يبارك لك

خـــواطر • 17 سنة

شرفني مروركم :)

حبيبتي متفائله ترا ما اشتد ضيقك الا انه دليل الفرج
اختي الغاليه عليك بهذا الرنامج اكثري من الاستغفااار بنيه شي تبينه والصدقه والدعااء فهو سلاح المؤمن:)

الله يسترها معك ويهونها عليك ويفرج لك يارب:)

نرجس • 17 سنة

جزاك الله الجنة على مقالك الطيب القيم ..لكن النقطة السابقة ليس لها أصل في الدين ..ولا يجوز تخصيص سورة بفضل دون دليل لان هذا من الابتداع في الدين ..

خـــواطر • 17 سنة

نرجس :

جزاك الله الجنة على مقالك الطيب القيم ..لكن النقطة السابقة ليس لها أصل في الدين ..ولا يجوز تخصيص سورة بفضل دون دليل لان هذا من الابتداع في الدين ..

جزاك الله الجنة على مقالك الطيب القيم ..لكن النقطة السابقة ليس لها أصل في الدين ..ولا يجوز تخصيص...

الله يسعد قلبك ع الايضاااح..

انا عارفه هالنقطه انا ما خصصت حبيبتي وماقلت بالضبط هذي السورة تستجيب لك دعوتك..

بس هذي السورة فيه فضل عظيم عن باقي السور..
والله اعلم تلاها الرسول عليه الصلاه ولاسلام في معركه .. ونصره الله..
(ما اذكر تفااصيل القصه..)

مشكورة للمرور:)