اتبعي ريجيم واختاري وجباتك وبدون ماتتعب نفسيتك ..

السلام عليكم كيفكم حبايب البي

دبدوبات اتمنى كل وحده تجرب اللي اقوله لها لو لمدة اسبوع واذا ماشافت نتيجه تجي تقولي
انا اضمن النتيجه ميه بالميه للي بتسمع كلامي صح

اشوف كثير متبعين انظمه مختلفه ونفسياتهم زفت
ومتوترين وبعضهم يبدا بالنهار ويخرب آخر الليل

انفسكم حبايبي لها حق عليكم مايصير تحرمونهااا على طووول

اكلمكم من تجربتي اللي صار لها سنين
انا قدرت بفضل الله انزل من وزني حول ال20 كيلو
ولو تسألوني وش الريجيم اللي اتبعتيه مااقدر اقولكم
لاني اسوي ريجيمات لنفسي
مرات تكون قاسيه ومرات تكون متوسطه ومرااات كثيره تكون دلع مو ريجيم :35:

مااطول عليكم
فكرتي في نزول الوزن انك ماتحددين ريجيم معين او وجبات معينه
كل وجبه فكري فيها بنفس اليوم وشوفي وش رغبتك تاكلين لليوم
بعطيكم مثال حي :35:
صحيت الصبح ومو مشتهية افطر (بس الفطور مهم )
اقوم آخذ لي شريحة توست وأحمصها واقرمشها مع عصير او كاس ماء بسسس
..
يجي وقت الغداء مشتهيه آآكل من اكل البيت
اخذ لي صحن متوسط وآخذ من كل اللي في السفره بكميه معقوله
وآكله بس شبعت ماشبعت مااخذ غيره
....
يجي وقت العشاء
أنبني ضميري لاني اكلت الغداء من اكل البيت
اقوم آكل شي خفيف تونه وسلطه او زبادي وخيار
..........
وهكذااااا
كل يوم اشوف لي وجبات غير
وبكذا مااتعب نفسيتي ابداااااا واجبرها على اكل مااشتهيه
....
حتى الشوكليت والحلو والشيبس والقراميش عموما
مااحرم نفسي منها بس اتذوقها تذوق بسسسسسسسس
...
وماانام قبل مااشرب كاس كبير شاي اخضر

وبس

المهم في النظام ان وجبات اليوم 3 تخلين وجبتين خفيفات قد ماتقدرين ووجبه ثقيله شوي مو دسسسمه
وان هالوجبات تكون صحيه وبعيده عن المقالي طبعا
........

جربوها حبايب
ان شاء الله بترتاحون مع هالنظام
وترتاحون من التخبيص والتعب النفسي بعده
.......
واللي تحب تتبعه تقولي اعطيها افكار للوجبااات

مع تمنياتي لكم بصحه ورشاااقه طووول العمر :27:

(( نزلت نماذج للوجبات صفحة 3 ))