اتبعي هالأشياء.. وعيشي حياتك صح..!!
--------------------------------------------------------------------------------
بصراحة عجبني موضوع مرها واستفدت
أول شي احنا نعرف انه الرياييل اللي بالخليج حدددهم عصبيين حاريين.. نادرا ماتلاقين واحد بارد، وحتى لو كان هذا الرجال مايعصب بسرعة .. بس لمايعصب ياويلي ويلاه منه ..
المهم .. لما يجي الزوج من الشغل مضااايق متوتر شايل الدنيا فوق راسه .. شنو تسوين علشان تزيلين عنه التوتر ..
تروحي عند المناطق التوتر الموجودة بزوجك .. بالجبين وبالرقبة وعلى الكتفين.. تسوي لهم تدليك ناعم <<ناعم حطي جنبها ألف خط ناعم لأنك انثى وبخفيف ودون ماتذكري له مشاكل عيال ولا بيت ولا شغل .. خليه عن طريق تدليكك له يروح بتفكير آخر يريح باله وخليه عال العال..
................
إذا تجي تبي تقعدي مع زوجك وهو يقول لك ممكن تطلعين ابي انام.. خذي عيالك وروحي وين ماتروحون المهم ابي انام بهدوء .. شتسوين..
ترا الغلط منك <<لاتقولي واقفة مع الرياييل انا.. بس فعلا انتي اللي عودتيه انه ينام وماتكونين جنبه .. ياشيخة غيري شوي من حمودي وعبودي وعزوزي وعلاوي وحسوني والتغزل الزواج بس غزل وعيال وبيت..نرجع لموضوعنا ليش ماتخصصينا عطر خاص لك قبل لاتروحي تنامي رشي لك منه .. وحافظي انك تنامي بالوقت اللي زوجك ينام فيه او على الأقل كوني جنبه .. خليه مايقدر ينام الا لما لم يشم ريحة عطرك جنبه.. وحاولي تتجنبين تجيبي له سوالف العيال والمشاكل.. غيري السالفة اقرئي عليه قرآن سمي عليه بالرحمن سوي اي شي غير تقليدي..
................
غيره.. زوجك مايصحى الصبح بسرعة .. نومه ثقيل.. شوفي شنو تسوين .. قبل لازم تعرفين انه أكثر الحواس حساسية هي اللمس الشم والسمع.. يعني لما تجي تصحيه الصبح .. صحي كأنك تهمسي .. موتصارخين الجيران صحوا من صراخك وزوجك ماصحى.. ولأنه معتاد على ريحة العطر او ريحتك بالأحرى يعني حركتي حواس اثنين الشم والسمع حاولي تصحينه بنعومة ويديك على يده مو تروحي تخضيه خض <<قولي كوكا كولا.. مو بني ادم..
....................
كيف تخلي زوجك .. يجي من الشغل متلهف على البيت.. يعني تخلينه يحس انه مايرتاح الا لما يدخل البيت.. يكون واثق مليوون % إنه راح يروح ويرتاح من تعب شغل طول النهار او طول الليل..
لاتقولين ماعرف اطبخ .. بعض الرياييل مايحبوا اكل من يد الطباخ او الخدامة.. وثاني شي .. ياعيون امك انتي خيتوووو .. اذا سويتي كل هذا دليل على احترامك لزوجك وتقديرك له ..المهم نرجع.. مثلا زوجك انتي تعرفين متى راح يرجع من شغله .. ماقلت لك جلسي طول النهار تشتغلين ولا لاتجيبين لك خدامة.. بس الخدامة علشان تساعدك مو تكون مكانك.. جهزي الغدا رتبي غرفة النوم غسل ملابس زوجك .. تكلمي في التلفون سلمي على امك.. تقدرين مو ماتقدرين.. المهم ..قرب موعد رجعت زوجك من شغله.. جهزي الغدا بخري البيت عن ريحة الطبخ خذي لك شاور عن ريحة البصل.. جهزي له ملابس علشان لما يجي يكون كل شي جاهز.. لو بصيف حاولي تكون الغرفة باردة ..او بالشتا الغرفة دافية.. خليه يحس بالراحة.. ولا تطولي كثير لما تطلعين وتعرفين انه زوجك بالبيت .. خليه يعتاد على وجودك...
أتمنى تستفيدون من النصايح.. تراها مفيدة .. وكلها في سبيل تحقيق السعادة.. وأكيد انه مايخلو بيت من المنغصات <<لكن نعتبرها ملح الحياة..
عدا ذلك لاتسمعين للي تقول الرياييل مايبين بعيونهم شي.. يمكن هم مايقولون بس ترا والله يذكرون كل شي بس تغيب المرأة عنهم ..
منقول
__________________
__________________
يلزم عليك تسجيل الدخول أولًا لكتابة تعليق.
حكاية الزمان
•
يو ولااحد وين الناس
والله كلامك دررررر انا وربي احاول احرص اني مايتعود ينام بدوني لانه لو فلت انفلللللللت ماعاد اقدر فيه
الصفحة الأخيرة