كيفكم اخواتي انا الحمدلله بخير,,محد سالك
المهم انا موضوعي معاناة من اللي قاعده الاحظه في بعض البنات وليس الكل بعد الزواج تخلي اهلها واخوانها سواقين لها ودوني وجيبولي وياويلكم ماتطيعوني مايخالف نوديك ونجيبك لكن اقسم بالله انا اشوف نماذج مصختها الزوج زي المزهريه وباقي المراجعات والمستشفيات عالاهل طيب وحضرتك ليش ماتخلين زوجك يشيل همك زي ما تزنين على اهلك زني على زوجك يوديك ولا الكلام المعسول لللزوج فقط واهلك للكرف الحاجه الثانيه ان المتزوجه تجي لاهلها نفسها بخشمها انا جايه عندكم نقاهه البس اي شي اتامر كيفي اكرف الرايح والجاي بالمقابل شوفيها عند هل زوجها وش زينها سنعه وش اللسان الحلو واهلها موريتهم العين الحمرا
يا اخوات اهلك لهم حق بالمعامله الحسنه الزينه امك وابوك واخوانك شالوك وانت عندهم وبيشيلونك وانت مع زوجك لكن مايمنع من الاخلاق الحلوه زيني اخلاقك ولبسك واسلوبك في كل وقت عند زوجك وعند اهلك وعند اهل زوجك
واخيرا انا غير متزوجه بس اللي قلته من كلام صديقاتي وواقع بعض الاقارب يقول كذا
اتمنى لكن حياة اسريه سعيده حبيباتي
ادعولي اوصل بالسلامه رحلتي بعد ساعات الى السعوديه الحبيبه
Dont give up @dont_give_up
عضوة نشيطة
يلزم عليك تسجيل الدخول أولًا لكتابة تعليق.
لا موصحيح واقع كذب ياسلام اعامل اهلي بجفى عشان اني تزوجت اقسم بالله اني احترمهم اكثر من اول وامي وخواتي على راسي زوجي يوديني مواعيدي معدى لو مسافر عمل او ماسموح عمله اقول لاخي وبكل احترام يوديني واذا موفاضي ااجل موعدي ولاعمري تامرت والى كرفت اهلي عشان شي بالعكس اروح عندهم اقوم بشغل البيت مثل يوم كنت بنت ماتزوجت مع انهم يقلون لي لا ارتاحي الله يستر اذا بشتم اهلي واهل زوجي اجاملهم الي قالك قولي له مع نفسك
كلامك الحمد لله مو صحيح اهلي نور عيوني اعاملهم مثل قبل الزواج واحسن واذا رحت لهم اشتغل مثل بيتي واطبخ عادي والله لايحرمني منهم واخواني عزوتي لهم كل الاحترام
مشكلة اغلب البنات التعميم فيه حالات فرديه وشاذه بتفكيرها وتصرفاتها للاسف
لا تنطبق على الجميع او فئه كبيره بالمجتمع
الله يشفي هالنوعيه من البنات فعلا عش رجبا ترى عجبا
لا تنطبق على الجميع او فئه كبيره بالمجتمع
الله يشفي هالنوعيه من البنات فعلا عش رجبا ترى عجبا
الصفحة الأخيرة
كل وحده يوديها زوجها يارب لك الحمد واخوي مابيقصر فديته لكن استحي اطلبه