بالنسبة لي كنت أعيش مع أهل زوجي لمدة خمس سنوات في غرفة حدة وبيها دورة مياة صغيرة، لكن كنت مرتاحة معاهم ماعدا بعض الخلافات اللي لابد منها. كنت أروح الدوام وأترك طفلتي عند أم زوجي وأنا مرتاحة البال.

لكن الحين انتقلت لبيت بروحي، وأفكر أني أجيب لبنتي أخت ولكن ماعندي أحد أترك طفلتي معاه عشان اروح الدوام،، وأنا فعلا مؤجلة فكرة الإنجاب لأجل غير مسمى وذلك بسبب عدم وجود أم زوجي في البيت

بالعكس انا احس اللي ساكنه في بيت اهل زوجها مرتاحه من المسؤوليه لا طباخ و لاشي كنها دايما عروس و حتى لما يصير عندها اطفال ما تحاتي لان في من يساعدها و يهتم بالاطفال حتى لو تكون رايحه الدوام مو نفسنا الله يكون بعونا كل المسؤوليه على راسنا من طبخ و تنظيف و غسيل و مسؤوليه اطفال . عاد قولي الحمد لله و كل انسان ياخذ نصيبه في هالدنيا

انا اعرف لك وحده ساكنه مع اهله وزوجها يبي يطلع وهي تقول لا؟؟؟؟؟؟؟
لانها ما شاء الله بفندق خمش نجوم ماكله شاربه نايمه وتداوم وعيالها بايدي امينه (عند خالتها)

الاخت الغاليه ...انا طبعا حبيت اشارك بالموضوع بس ماقريت كل الردود انا قريت الموضوع اللي طرحتيه ..عموما انتي تقدرين بشطارتك تقلبين كل شي لصالحك يعني بدل ماهو يذكرك بااهله انتي ذكريه ...قولي والله اختك بتجي اليوم بسوي شي لها لو حلي قهوه ..او مثلا لا ركبتي السياره ...قولي وين اخوك مو رايح معانا او قبل لاتطلعين من الباب قولي ماحد بجاي معاي ..صدقيني بعد مده مع الدعاء ولاحتساب والنيه الصافيه صدقيني هو بيتغير اذا شاف نفس الشي الليي هو حرص عليه انتي بعد حريصه عليه..اما بالنسبه للغرفه والحمام ممكن انتي تخلينها قصر بعين زوجك ..ولاتنسين يالغاليه انا في بنات يتمنون يتزوجون ويعيشون بعشه مو يعيشون بغرفه وحمام ..لاانهم يدورون الستر ..وعيالك اللي يقولون لهم لاتخربون بيتنا ..تراهم عيالهم بعد وماقالوه الا من الميانه والميانه من المحبه يالغاليه ..ولو عندك شك لو ذره انهم مايحبونك او يحبون ينكدون عليك ...وعلي قولتك يقدرون علي قصر يسكنوننك فيه ..صدقيني بيحنون علي ولدهم يطلعك ..لاان مافيه احد يجيب الشقا لنفسه ..وارجع واقول انا هذا راي الشخصي اتمني تتقبلينه بصدر رحب

ياحبيبتي نفس المشكله تصرفاتك محاسبه عليها نومك لبسك خرجاتك مع زووجك تحسين انك مراقبه طووووول الوقت
الله يكون بالعون بس