والله الله يعينكم الحموله ما يتحملها الا وحده بنت رجال اسئلوني جابو لي المرض الله ياخذهم بس ما لنا الا الصبر:26:

الله يهديكم ليش تقلبون المواجع ...
أنا جلست مع أهله أربع سنين مالي إلاغرفة ودورة مياه ... الله لايعيدها بس راحت الدنيا ولا كأن شيئ صار !!
الله المستعان ... ما أقول إلا الله يعينك و يجيك الفرج قريب آميييين

ليه يا أختي شمس الاسلام تقولين الله ياخذهم ما يجوز ندعي عليهم قولي الله يهديهم عالاقل
وأنا لي تجربة مع اهل زوجي كمان صحيح اني ساكنة في شقة في نفس العمارة بس الصراحة قدرت اكسبهم بالكلمة الطيبة وخدمتهم والتغاضي عن بعض الأمور أم زوجي بعض الأحيان تحب تطلع معانا السوق علشان تشوف ايش حشتري وبكم وطبعا انا اخلي الأمور عادية جدا ولا اعترض امام زوجي ولازم نشتري لها شئ معانا علشان ما يبقى في قلبها شئ ودائما اخليها تركب قدام جنب ابنها في السيارة وانا ارجع ورى وهي عالطول توافق هههههههههههه
بس احاول اخذ الأمور ببساطة وكمان اتخيل نفسي اذا صرت بعمرها واتمنى زوجة ولدي تعاملني بنفس الطريقة تقعد عندنا حول ال9 اشهر بعدين تروح الرياض تقعد 3 اشهر وهناك سلفتي الكبيرة ما قدرت تكسبها خلال 20 سنة عشرة عمر لأنها تحب تناقشها وتتخاصم معها والله يابنات ماتصدقوا خلال ال3 اشهر هذي كل يومين 3 ايام تتصل تتطمن علينا حتى احنا نفقد حسهم في البيت.

السالفة مو محتاجة تحدي الغالية ..
نحن هنيه بالإمارات .. أول ما تتزوج البنت تسكن بغرفه + دورة مياة أو جناح بنفس بيت حمولتها .. مب علشان الظروف المادية .. لا .. علشان الترابط الأسري .. و هي فرصة تكسب فيها البنت أهل زوجها ..
و بعد ما يرزقها الله عيال .. يسكنون ببيت بروحهم ..
حرمة أخوي عندها 3 عيال .. و من كم شهر بس.. انتقلت لبيتها الجديد ..
يعني الموضوع عادي مافيه مشاكل ..
بس أنتو مادري ليش مب طايقين تسكنون مع حمولتكم .. هي كم سنة .. و بعدين تنتقلون .. يعني الموضوع يبيله صبر ..

أنا من ناحيتي بسكن مع أهل زوجي ..
و بالعكس أنا أبغي أسكن معاهم .. :21:


الله يوفقج يا عزيزتي و يسعدج دنيا و أخرة

الله يكون في عونك يا أختي