الله يعينك ..

ادري هم اهلك وامك واختك واخوانك .. بس لاتتسرعين وتدخلين عندهم وابوك كذا تصرفه ..

ليش ؟؟

افرضي رحتي لهم زياره وشافك راح يطرد ولدك ويخليكي بالبيت عناد لزوجك ..

بالله فكري مية مره بابنك لاتتصرفين اي تصرف يخليكي تفقدينه ((الله يحفظه لك ))

بس من خلال ماكتبتي عن صفات الوالد اقول لك انتبهي ..

والحمد لله التلفون والجوال موجود كلميهم وشوفيهم برا البيت عند خالتك او قريباتك ... ادري صعبه بس لو فكرتي اهون من اي تصرف من ابوكي..

وزوجك حاولي قد ماتقدري لاتعلمينه باللي يصير من اهلك ... اشياء ظاهره وعرفها خلاص بس الي مايعرفه لاتقولين له

انتي تبين تفضفضين له وتشكين له بس مع الايام صديقيني اذا عرف انه مالك سند بيقلل من قيمتك ...

وتذكري كلامي ..

الدنيا يبي لها الصبر وانتي مسؤله عن ابنك ...

الله يفرج كربتك ويهون عليكي ..

ياقلبي انت والله حاسه فيك بس انت وش تتخيلين اخلاق واحد ما يصلي ولا يصوم جربت اختي تدعين له بالصلااح والهدايه وتقابلين اسائته بالاحسان يمكن هو مريض وانتم مش عارفين انه فيه مرض نفسي مثلا جربي تدعين له واذا بغيتي تروحين لاهلك ادعي اللهم اكفنيه بما شئت كرريها كثير وتشوفين انه ما يتعرض لك ابد دعاء عجيب لمن خاف من قوم

الله يكون بعونك

فديتك قطعتي قلبي وانا اتخيل وضعك من ناحية رحمتك لامك
وموقفك قدام زوجك
و وضع ابوك زي الي يقول ( الي مايخاف من الله خاف منه ) عسى ربي يهديييييه لنفسه ولكم

المشكله ياقلبي ان ابوكم تعود على ضعفكم
وصدقيني النوعيه الي زي ابوك يستقوي على اهل بيته من داخله خوف خاصه انه على باطل لاصلاه ولا غيره الله يهديه

اذا فيه احد كبير والافضل من عيلته يعني عمك مثلا يتدخل يكلمه
ولاااازم ياقلبي شخص فاهم عشان يتقبل منه

الشي الثاني حبيبتي وهالكلام اقوله لك انتي ( خذيه بالسياسه بدون ماتحسسينه بضعفك او خوفك منه يعني غيري من طباعك معاه اذا فتح موضوع عنك وعن زوجك غييري الموضوع افتحي معاه مواضيع عن ااااي شي اي شي وانتي زايرتهم خذي له معك هديه او اي شي رمزي حسسيه انك تقدرينه صدقيني كلامه عنك وعن زوجك اكيد حاس بتقصير من ناحيتكم وزوجك معليش خليه يسلم عليه مره ومرتين مو شرط يجلس عنده بس اقصد حسسوه انكم تقدرونه وتسالون عنه

الموضوع يبي له صبر بس ماعليه حبيبتي احسن من تدعون عليه بالموت الافضل تدعون له بالهدايه


ومن ناحية زوجك ياقلبي مهما صاااار بينك وبين اهلك لاتحسسينه بضعفك خلك قد المواقف وقد المسئوليه والافضل مايتدخل ابدا لو كان شايف كل شي بعينه
يعني خلي شخصيتك مستقله بغض النظر عن ضروف اهلك ولاتحسسينه ان مالك سند او ظهر على قولتك

اسال الله العلي القدير ان يهدي ابوك ويعوضك ويعوض امك واخوانك عن كل الي شافوه
ويسخر لك زوجك ويجعلك قرة عينه ياكريم

اقعد عند زوجك واخوانك بكره بيكبرو ويصيرون سند لك وبالنسبه لاهلك قابليهم عند خالاتك او اي شخص ترتاحين له وابوك تواصلي معه عن طريق الجوال مايصلح تقطعينه او اسالي شيخ افضل لك واذا تبين ارسلك رقم مفتي ماعندي مشكله الله ييكون بعونك