اتحدى الصلع اذا ما نبت من هالخلطة !؟

السلام عليكم خواااااااتي
جايبتلكم طريقة سهلة وااااااااااااااااااايد بتخلي شعوركم غابات اسوائية :27:
لأني بصراحة ماحب الخلطات الصعبة او الطويلة او المتعبة............لأن احنا بزمن السرعة
واغلب البنات يا موظفات او طالبات......وما فيه وقت للخلطات والخرابيط :11:
وحتى لو قدرتي تسوين هالخلطات مرة ! ما راح تقدرين تداومين عليها ألف مرة !
المهم يا خواتي ما راح اطول عليكم وهذي الخطوات :

1- اولا : لازم تستخدمين حبوب خاصة للشعر ، لأن مهما حطي من برا على شعرج ماراح تحصلين على النتايج المرجوة أبدا.....لأن أصلا تغذيه الشعر والبشرة تبدأ من الداخل !
واحسن حبوب للشعر هي ( فيتا كب ) علبتها بيضة وغطاها اخضر ....!
بس والله والله يا بنات انها نبتتلي شعري في شهر وانا ما استخدمت اي خلطة !

2 - ثانيا : اذا كان التساقط غزير مرة ؟ عليج بزيت الزيتون الفلسطيني كل يوم بالليل تحطينه على شعرج وتغطينه وتنامين فيه والصبح تغسلينه......لمدة عشرة ايام وبعدين استخدميه مرة او مرتين في الاسبوع .

3 - ثالثا : عليكم بالسدر يا بنات والله عجيب.....فيه حديث للرسول صلى الله عليه وسلم يقول :
لو تخضبت نساء امتي بالسدر لنبت في كفوفهن الشعر !
وكيفج اذا بغيتي تخلطين معاه بيضة او زبادي او عسل براحتج .

4 - وأخيرا : لا تنسون التدلييييييييييييييييييييك كل يوم لفروة الرأس ، واحسن كل يوم لمدة ربع ساعة استلقي على كنبه ونزلي راسج للأسفل ، لأن هذا هو علاج الصلعان دايما !

وصدقوني بنات والله والله بصير شعرج شعر هندية كثافة وطول ولمعة بالحبوب والسدر وزيت الزيتون بس ! مافيه شي صعب او معقد في هالطريقة :02:
لا واللي تبي شعرها يطول بسرعة تشرب عصير الجزر يوميا وشوفوا النتيجة !
مضمووووووووووونة 100 % 100 :27: