اتحدى واحد يجيب مثلها

وين العزا يوجد علـى يـأس فرقـاك
يوم(ن)يأسـك قـام يغلـب رجـاكـا
وقامت شوي شـوي تبعـد مطايـاك
حزم(ن) نبأ دونك وحـزم(ن) وراكـا
وهبت ريـاحً عجهـا دمـدم خطـاك
لين إنمحت برضي مواطـي خطاكـا
وتعسـرت شوفتـك مانـي بـويـاك
عسـر هنـا شوفـك وعسرهنـاكـا
وعزالله إنـي بالتلاقـي معـك شـاك
ونجمي بـدأ ضـوه يغـور بسماكـا
أنساك لاماانسـاك منسـاك منسـاك
الله ينسـى مـن عـرفـك ونسـاكـا
بليتنـي فــي حـبـك الله يـبـلاك
من شـأن نصبـح بالمحبـة شراكـا
ومنك أنت ماجاني منك غير ماجـاك
لكـن خديـن النـذل جانـي وجاكـا
والموقف اللي غيبة الشمس ماارضـاك
وأبكـاك وأحرقنـي ونبـة هـذاكـا
فرقتنـا مـن غيـر قصدسـوايـاك
والعيـد جبـتـه فيـنـا الله هـداكـا
وأقفيت من عندك وأنـا كنـي إمعـاك
وكل سحب نفسـة بصمـت ونواكـا
وعلي تخطـي لكـن أدمـح خطايـاك
وتزعل وترضى من خـلاك بخلاكـا
وأنا أبخصك وأبخص خوافيك وأقصاك
وهـذا الكفيـل اللـي تكفـل غلاكـا
وبعدي عنك يازيـن أدركنـي إدراك
ولقيـت عذروجيـت لجلـك نـراكـا
جيت بذكاء مااذكاك مااذكاك مااذكـاك
ياللـي عليـك الاذكـيـاء ماتـذاكـا
مااجملك يالغالـي بعينـي ومأاحـلاك
أنت الغـلا وأنـت الحـلا والملاكـا
غير الجمـال اللـي ذبحنـي وغـواك
عفيـفـةٍ نفـسـك وحـلـوٍ نبـاكـا
ودنيـاي شالتنـي وشالتـك دنـيـاك
عقـب السوالـف والدلـع والمراكـا
ولاهـي بعينـي شـئ دنيـاً بلايـاك
الله يلعنـهـا ويـسـعـد مـسـاكـا
ومسمـوم حبـك ياحبيبـي وفـتـاك
وكـل المشاعـر دب فيهـن هواكـا
مع القمر والريـح وأسـوار وأفـلاك
أنـا وهـن قمنـا نـدور برجـاكـا
وفي كل حين يمرني طيـف ذكـراك
وأجنح معـه عبـر الخيـال ومعاكـا
ولايصورك طيفـك علـى ماتمنـاك
وفي طيفك أشياء ماحيه مـن بطاكـا
تلوح لي صورتـك بالطيـف منـاك
وعنـي تلـوذ بسرعـةٍ وارتبـاكـا
ويكفخ عليك القلـب والنفـس تبغـاك
ونفسي وأنـا والقلـب فيـك إنشكاكـا
وتشتـاق ياالغالـي عيونـي لرؤيـاك
ولـو ماعليهـا أمـون يمكـن تباكـا
مالك عوض عنـدي ولامنـك فكـاك
مايفكنـي مــن حـبـك الالقـاكـا
والكبد مايروي ضماها سـوى مـاك
ولامـن ضمـاك ولاهـواك إنفكاكـا
ولوكل عمري ضاع ماادركت لامـاك
أنـا وعمـري كلنـا مــن فـداكـا