الطلاق قرار محتاج قناعه ويكون آخر الحلول بصراحه النذل ماله أمان والرجال أعرف ببعض ولكن علاقتك بأهلك مهمه اذا فعلا يبغون لك الخير وعلاقتك فيهم كويسه فهم شايفين اللي يناسب
يعني اذا اهلك من النوع اللي مايهتموا فيك مرة ممكن قرارهم يكون غلط وانتقام فقط وبالنهايه انتي الوحيده اللي راح تعبشي الوضع
الأفضل استخيري الله واكتبي حياتك معاه وبعده كيف بتكون واختاري اللي انتي مقتنعه فيه قد يكون الطلاق حل بس انتي ماتبغيه ولو تطلقتي بتجلسي طول العمر اهلي تسببوا في طلاقي ومن هالكلام وماراح تعيشي راضيه بقضاء الله
وحده هنا البنات نصحوها زوجها راعي مخدرات وبالأخير جت تلوووم انتوا تسببتوا في طلاقي
والمفروض اللي ماله قناعه من الأساس مايقدم عالخطوة هذي
ولا تتخيلي الحياه ورديه عشان ماتنصدمي خليكي واقعيه وفوضي أمرك لله

الله يكتب لك الخير والدبره الطيبه استخيري وقرري هذا هو الفيصل ..

اهم شيء الاستخاره واستشارة الامين الناصح لك


الله يكتبلك الخير،،،،ليه ابوك مايناديه ويشوف ايش عنده واعطيه شروطك

كل وحده ظروفها غير عن الثانية مانقدر نحكم


اللي عندها مصدر دخل او موظفه غير عن العاطله او اللي ماعندها شهادة
اللي اهلها متعاونين وعندهم خير ولها مكان ولولدها غير عن اللي اهلها بيحبسونها ويعاملونها على انها عار او بيخلونها تصرف عليهم من الضمان او مالهم غرفه لها او امكانية يصرفون عليها


بالاخير استخيري واكتبي سلبيات وايجابيات الزواج والطلاق واياك تكملين عشان خايفه من كلام الناس لانهم بيتكلمون بكل الاحوال

شوفي انا في رمضان وصلت بيني وبين زوجي للطلاق
وكلمت اهلي ابويا قالي خلاص انزلي خليه ينزلك للمدينة اللي فيها اهلي واهله بس بعدين ابويا رجع اتصل تاني قال انزلي لوحدك عيالك خليهم عند ابوهم انا هنا اتراجعت
ومن اول يوم رمضان صارت مشكلة وجلس يخاصم ويضرب الباب بكل قوته يعني انه ماسك نفسه لا يضربني دا كله ولسه احنا صايمين اول يوم رمضان
وبعدين صار ما يفطر معانا يصحى الضهر يخرج وما يرجع الا الصباح بعد ما يخرج من العمل
شوية شوية صار يجلس بس ما ياكل من اكلي احط السفرة بس ما ياكل طبيخي ياكل نواشف او اي حاجة
وما يحتاج اقول انه مرة ما كنا نتكلم
المهم في نص رمضان جدتي اتوفت وست زوجي في نفس الوقت لانه ولد عمتي نزلنا وبرضو ما بنتكلم
انا في بيت اهلي وهوا في بيت اهله
حتى في العيد كان يجي ياخدنا نروح نعيد عالاقارب بس بدون لا نتكلم كلمة وحدة متخاصمين يعني
المهم انا كنت مستمرة عالرقية مستمرة
وماشاءالله تبارك الله من نفسه قال نفتح صفحة جديدة
وقال راح يعطيني مصروف
ودحين راح ناخد شقة اكبر
وامس اخدنا من مدينة اهلنا على اساس نروح مدينتا قالي ايش رأيك نروح الطايف واهو اليوم كنا في الطايف
المهم ماشاءالله تبارك الله اتغير علما ابويا ما كلمه ولا شي
سبعة سنين كاملة الطلاق ما راح عن بالي والله
لاول مرة في حياتي الزوجية ما افكر في الطلاق
علما كنت اكره كره غير طبيعي
وصار حتى لما اطلبه شي ومايقدر يرد بذوق ومعليش حبيتي ويالغلا ومن دا الكلام ماشاءالله
وهو اللي لسه في شوال
وصلت بيه لاول مرة في حياتنا الزوجية يقولي تفو في وجهك واقلبي وجهك
وبرضو ماشاءالله تبارك الله في نفس الشهر مع الرقية الرجال اتغير معايا ماشاءالله
قلتلك عن تجربتي لانه سبجان الله كنت اعتقد انه الحل الطلاق وبس