السلام عليكم
قبل فترة "شهرين تقريبا" اتخذت قرار جريء جدا وقليل منا يقدر يتخذه ....
وهو اني مسكت الريموت ومسحت كل قنوات الشر والفساد اللي تدس السم في الدسم:mad:
بقيت المجد وقنوات القران كلها "ما احلاها"والسعودية وناشينونال الطبيعة والاخباريات وبعض قنوات الاطفال وسمسم والرياضية عشان ابو الشباب طبعا
ولو احكي لكم عن الراحة النفسية اللي حسيت فيها خلال هالشهرين ..شيء عجيـــــــــــب...
وربي كنت اذا جلس زوجي عالتلفزيون اقعد على اعصابي لايفتح فيلم والا اغنية والا يطيح على منظر بايخ /
واذا جلسوا بناتي عليه اخاف عليهم من القنوات اللي ماترحم وتعرض كل الاسرار اللي ماعرفناها الا بعد ماتزوجنا .../
كنت اذا جلست انا عليه اقوم مغثوثة ومتكسرة ومالي نفس بالدنيا ونفسيتي رايحة فيها والوساوس اشكال الوان والوقت ضيااااااااااااااااااع:44:
مع اني ماتخيلت اني اقدر اعيش بدون كل هالقنوات وبدون ما اتابع مسلسل او فيلم بس وربي الكعبة يابنات اني ما احتجت لها ومن اول يوم حذفتها نسيتها واستغنيت عنها ونسيت وش كنت اتابع وماتحسفت عليها ابدا ...
اللي لاحظته عليه الايام هذي اني ما صرت اتحمس اتابع مسلسلات وافلام مثل زمان واذا رحت لقريباتي وسمعتهم يسولفون عن مسلسل او برنامج في قنوات ابليس احس ودي اقولهم خلاص اسكتوا واصحوا... وربي كرهتها رغم اني كنت مدمنة عليها :35:
الشيء الثاني هو ان بناتي صاروا هاديات وزوجي ماصار يعصب علينا كثير وصار يحب يجلس بالبيت مو طاير مثل اول
والله والله يابنات اني وانا احذفها احس اني جالسة اطرد ابليس من البيت واقلعه من الباب والله اني جاني هالاحساس بقوة :27:
واغلب الوقت اصير افتح على المجد للقران او السعودية للقران او قناة افريقيا الخاصة بسورة البقرة وتعالوا شوفوا الراحة النفسية والله اني اصير متضايقة واذا فتحتها ينشرح صدري والله يابنات صارت دعوتي قريبة واحس ربي يستجيب لي الحمد لله الحمد لله من فضل الله علي
سبحانك ياربي ما احلمك علينا ..
يالله يابنات اتخذوا القرار الجريء وعيشوا بدون هالعفن الفضائي وتذكري ان العين امانة وراح يسالك ربي عن ماذا استخدمتيها فيها - وترى العين تزني وزناها النظر
وفق الله الجميع للخير والتوفيق....