اتدخل بالخطبة ولا لا ؟

السلام عليكم و رحمة الله و بركاته
خواتي بشاوركم و ابي تدعون لاخوي بالخير وربي يعوضه شبابوه بالجنة
اول شي اخوي قدر الله و صابه مرض وهو بعمر صغير و اخذ كيماوي و الحمدلله ربي شافاه و عافاه بس توقف نموه هو الحين عمره ٢٨ بس شكله تشوفينه صغير بالعمر و تصرفاته مابقول طفوليه لا بس نفس تصرفات اللي بالمتوسط لان حتى عقله اتوقع توقف ع هالعمر يعني ما احس له رغبه بالحريم ولا يحبهم ولا يشتهيهم زي اللي بعمره و مايفكر بالزواج يعني احيان اذا رحنا استراحات تحصلينه يلعب مع اللي اصغر منه و يعطيهم وجه و اذا جلس مع الكبير يكون كانه طبيعي و سوالفه عاديه و كل شي تمام ، المهم ان ابوي وعمامي يبغون يزوجونه هو ما يرفض بس مايبدي موافقته ، ابوي يقترح عليه دايم حريم اكبر منه بكثير و مطلقات و احيان اجنبيات اهم شي يبي يشوف عياله و خلفته و انا اخاف ان اخوي مايخلف اصلاً كيف اوصلهم هالفكره ابوي شايف اخوي لازم يتزوج باي طريقة و تقريباً كانه متاكد انه راح يقدر يخلف و السكن اخوي استعد له الشقه لان عنده شقه بعمارته فاضيه و زاد حماس الوالد و هو يسوق و ينزل له ضمان و ابوي و عمامي تكفلوا بالعرس
انا دايم ابوي يكلمني و يقول دوري له و اخطبي له وانا اخاف اخطب و يكون اخوي مو سليم ومو قادر ع الانجاب انا كلمت عمتي ام اخوي و قلت ابوي يبي كذا قالت ولدي واعرفه و قالت انها تتوقع ماله رغبه زواج ابد و قالت نصيحتي لا تعبيين حالك اخوي طيب و حنون كثير و على نياته و ابوي راحمه يقول محد دايم له الله يطول باعمارهم و غير كذا طول اليوم بالبيت ماعنده لا دوام ولا شي بس على جواله و ينام ويقوم ويحب الالعاب اللي بالجوالات يعني ما عنده برامج محادثات و كذا و فيه مواقف احس مايعرف يتصرف فيها و احيان يودي اهلي مشاويرهم و قادر ع انه يفتح بيت باعتقادي بس بشرط انه قدام بيت امه بس انا اخاف انه مب قادر ع الانجاب وهذا هو الهدف من الزواج، او ان وحده ترفضه عشان شكله اصغر من عمره بكثير الحمدلله الذي عافانا ، المهم ابوي اتصل علي الظهر و قال انا ابغاك تروحين و تشوفين فلانه انتي و عمتك و تخطبينها و انا متوقعه بترفض هي مطلقه مرتين و كبيره اكبر من اخوي ب ٥ او ٦سنوات شرايكم اروح و لا لا و يارب يعوضه ياكريم بكل شي يسعده و يكتب له الخير .