اتركهم للشغاله .....................؟

والله ماني عارفه كيف ابدى الموضوع وماكتبته الا بعدتسويف ولكن الامل بالله قبلكم وبمشورتكم ثانيا
كان كل من شافني يقول بنت ومالها الا 23 سنه وكان عمري وقتها 29 وانا ام لثلاثه اولاد من البساطه الي كانت بداخلي والفرح والمزح وكنت حابه الحياة ومبسوطه والحمد لله
لكن اليوم عمري 32 سنه ماهي فرق كبير لكن من دخلت ال30 ونقلت بيت جديد وانا متغيره كاره الحياه مهمله في الاولاد ربي رزقني بنت لكن ماكانها بنتي ماادري ليش افتكر اخوانها كنت اموت عليهم عيالي مااهتم بهم اتركهم للشغاله الحياه في عيني سودا لااهتم بزوجي ولا افرح للقى اهلي الدنيا ماسارت تعني لي شي الكل من حولي متغير ولا الومهم لانهم لاحضو في شي فيني خوف كبير من الشيطان والجن وافكار غريبه واحاول اتجاهلها و لكن غصب عني مااشعر اني عايشه اسرح كثير ولاني في العالم واي احد يكلمني اسرح بعيد عن الموضوع مااستطيع اتابع حتى مواضيع عيالي ولا مشاكلهم احسهم اخذو مني الضعف بها الفتره
مااتحمل احد وعصبيه مااسمع لاحد احس الكل يكرهني ولااحد يمي مادري هي عين او السن
الحمد لله كل اسباب الرفاهيه عندي المال والبيت الكبير و الوظيفه معلمة تحفيظ قران
كان القران يعني لي شي كبير كنت اتاثر بالقراه وافرح بسماعه وانا اليوم استغفر الله العكس قدام بيتي مسجد القاضي مسجد مشهور بالرياض والقاري ماشاء الله يذوب لصوته الحديداروح مشي لكن لي رمضانين مادخلته الا مره والله يابنات كان ودي اشرد من المسجد وتعبت وقلبي يدق ومادري وش الحاله وماصدقت تخلص التراويح واطلع وماعاد رحت ختمت القران هذي السنه لكن الله يصلح الحال
اليوم زي بكره وبعده زي اليوم نضره سودا للحياة اتخيل كل شي اسود يقول عني اخوي اني متشائمه اقدر الشر قبل وقوعه مادري وش الحل بالله عليكم افيدوني والي ماتقدر تدعيلي بظهر الغيب والله مالي صديق او قريب يسمعلي الا رب رحيم وثم انتم وش الحل ؟؟؟؟؟؟؟؟؟؟