اتركو سيارتنا بهمها !!!

السلام
والله فترة غريبة من اخر عشر برمضان الين اليوم
٣ حوادث غريبة الحمدلله ربي طلعنا سالمين حوادث خفيفة بس مدري ايش السالفة
اول حادث في ٢٠ رمضان والله قالي زوجي قومي يابنت قومي خلينا نطلع شوي زهقت والله طلعت معاه يخترع مشاوير كذا لانه طفشان والله قاعدة اكلم اختي ايمو لانها في الكويت زوجها كويتي وقاعدين نسولف وهو يسوق فجأة اشوف زوجي نقز تونا الحين في اول الدوار صرنا داخل وربي حميد مافي سيارات دقايق استوعبنا زوجي جاله شد عضلي بيده نزل للرجال قاله منك لله سيارة وش كبرها مانت بشايفها
قاله الولد العذر والسموحة والله ماشفت وجاي مسرع وصايم وووو زوجي قاله خلاص خلاص توكل الحين ايام خير خلاص والله انا راسي انضرب وهو يده انضربت تألمه يومين المسكين وعديناها قلنا خير وطلعنا صدقة
بعد كم يوم حادث بعد قاعدين فجأة بالسيارة مانشوف الا الجمس رجع علينا وضربنا ونزل له قاله منك لله شفيك ماشفتني الرجال سبه قاله انت الحق عليك قاله زوجي خف علينا يامدير نجم مو انت لي تحدد الحين تجي نجم والرجال يسب زوجي وقاله زوجي الحين احنا جايين على عيد ولا كنت وريتك قدرك مو عيب عليك تسبني ياضلالي وذاك تمادى الحين زوجي قاله تراك تزودها ورب البيت تقول حرف ثاني غير اشيلك ارميك بحاوية الزبالة الحين طلع رجال فك بينهم بعدين اتفقوا انه سياراتهم مافيها شي وراحو
قلنا وش هالسالفة هذي ايش لي صار قال قضاء الله وقدره
لحد والله قبل يومين كنا منسلك طريق الخبر متفقين انا وهو نروح لحالنا شاليه ونقعد يومين بالخبر تو لسا ماطلعنا من الدمام بالمحطة والليل وزوجي مندمج مع ام كلثوم وقاعد يدندن معها على اغنية انت عمري ماشوفه الا وهو يغني معها راسه يضرب بالقزاز ويرجع مرة ثانية اتاري واحد دعمنا من ورا سلامات واقفين وقفة شرعية شفي امكم انتم ماتشوفون غير سيارتنا حسبي الله فيكم تدمرت السيارة مسوينها سبيل الرايح والجاي يبغى يضربها نزله زوجي قاله شفيك انت شفيم الرجال طلع ويين جاي من الجنوب سفر هو واهله واعتذر اي والله قاله زوجي دامك غريب خلاص الله يسامحك وذاك طلع ولد خير طلع ٥٠٠ وقاله خذها زوجي قاله عيب عليك انت ماتستحي سلامات اشيل منك فلوس روح بس روح
والله تم زوجي واقف شوي يتفحص الله يهديه مو لابس كمام من خرعة الموقف نسى يلبس كمامته مرة ثانية تم متوتر شوي وتجيه دورية لانه الدوريات كثار يقوله جيب اثباتك انت مخالف تعرف ايش مخالفتك قاله لا والله
قاله وين الكمام زوجي قاله انا محصن الاسبوع الجاي يمكن باخذ جرعة ثانية العسكري حسيته بغى يصفق زوجي قاله اقول جيب اثباتك جيب وصوره قاله رح جيب رخصتك واستمارة سيارتك والله فلمو فيه المسكين قاله زوجي خلاص انتهيت
العسكري خزه قاله اقول اركب سيارتك بس
والله انسدت نفسنا قالي مانبغى نروح شاليه ولا جلسة رومانسية انقلعي عند بناتك وانا رايح الديوانية عند الشباب
والله مدري ايش السالفة ليه كذا تصدقون جاني فوبيا خلاص ماقمت احب اطلع بالسيارة بس الحمدلله على كل حال
بس غريبة ماتشوفونها غريبة هالمواقف مو غريبة