اترك زوجي..ولا استمر معاه..؟

صباح حزين


هذي قصة اعز صديقة علي تكفون ساعدوها بترككم مع رسالتها



جالسه اكتب لكم مأساتي مع زوجي من البداية واتمنى اني القى عندكم الحل اللي يريجني
لاني والله جالسه اكتب لكم وانا ابكي ويديني ترتجف لاني بقول لكم الشي اللي محد من اقاربي ولا اهلي يدري عنه


تزوجت قبل 3 سنوات انخطبت لشخص ماكنت احب اهله ابدا بس وافقت عشان امي، وبعد الحاح شديد من اهلي شفتع النظرة الشرعية وحبيته وارتحت له بالمره، جلسن مخطوبين 3 سنوات وكان ذيك الفترة مماطلين بالزواج بسبب ظروف زوجي الماديه لان راتبه على قده وهذا هو سبب رفضي النبدأي له
اهلي شافو انهم تاخروا بالزواج فقرروا اني اتركه بس انا رفضت واصريت عليه وبعد 3 سنوات تزوجنا ومن هنا بدات الماساه
اكتشفت ان زوجي بلاعمل ولا وظيفه ولا حتى سيارة ولا اي دخل مادي..! مع انه يوم يخطبني كان يشتغل شغلين الصباح والعصر واهلي سالوا عنه بشغله
اول شهر من زواجي بعت ذهبي الكبير وشرينا سيارة لاني قضيت شهر العسل بالبيت دون طلعه
وبالتدريج صرنا نبيع الذهب عشان نصرف على انفسنا لحد ماخلص الذهب كله
كان يبحث عن وظيفة ومالقى الا بشركات وكان يدواو شهرين ثلاثه ويتركها
المهم بعد فترة داوم بشركة وجلس فيها 6 شهور وطلع منها وانا ماكنت ادري كان يلعب علي يقول انه يداوم لكن اخر الشهر مافي ولاريال يعني مايستلم اي راتب
وتدريجيا اكتشفت انه يكذب علي في اشياء كثيره والان جاه شغل خارج منطقتنا ورحنا هناك وجلسنا 3 شهور وهو كل يوم يقول بكره بستلم الراتب بكرة بستلم وبكره هذا ما جا
انا اشك ان فيه مرض نفسي يعني عايش بوهم انه الان يشتغل وانه بيجيه فلوس وانه
في جلسه مصارحه بيني وبينه سالته ليه انت قبل الزواج كنت تشتغل والان تركته جاوبني بجواب قلتني بمكاني قال من خطبتك وانا المصايب فوق راسي حتى اهلي قالوا لي هالبنت وجهها شر عليك اتركها وهذا اللي اخر زواجنا
مع العلم انه يموت فيني وانا اموت فيه بس انا مليت من حياة الفقر
طول السنوات الثلاث انا اللي اشتغل وربي ماكنت اخذ من راتبي ولاريال كله بجيبه ومايجلس الا يومين ويروح هالراتب كله
وهالسنة انا مالي راتب ويوم سافرنا كان اخوي يصرف علينا وانا متفشلة منه كل شوي اتصل به يعطيني
وزوجي غرقان بالديون وماادري وش الحل
زوجي احبه ويعاملني احسن من اهلي وهو يموت فيني بس مايقدر يصرف علي وفوق هذا يكذب علي بامور كثيره وان واجهته انه يكذب يتضايق مني
ماودي اطول عليكم ولا عندي كلام كثير بس هذا ملخصه ارجو اني القى عندكم حل



وهذي رسالتها ارجوكم ساعدوها