اترك زوجي والا ايش الحل مااقدر اتحمل

ياحبيبتي انتي متزوجه وعندك اطفال ماحد بيصرفم وبيهتم فيهم كثر ابوهم بس انا اقولك كثري الدعاء بان الله يسخره لكي

ياقلبي

انتي تعرفي طبع زوجك زين وطبع اهله

هنا المشكلة احنا مانعرف طبعهم

لكن انتي اتفهمي الوضع وادرسية زين زين عشان لما تاخذي اي قرار ماتندمي ابد واعطي نفس فرص


اللي اشوفه من واقع حياتنا كثير عايشين في نفس العمارة لكن كل شخص بشقته وماعندهم هذيك المشاكل الكايده وانتي ياقلبي وسعي صدرك وربنا يفرجها في وجهك


انتبهي لاتدققي في كلا م زوجك ولا تتحسسي منه في كل كلمة لانهم يحبوا يكايدوا نسوانهم الرجال


واهم شيء مثل ماذكرتي لنا بنتك لاتغفلي عنها ابدا

اتمنى اكون افدتك ولو بالشيء اليسير

لاتفكري بانك تتركي زوجك فكري بالحلووول فقط

حبيبتي هذا زوجكـ وعندك منه طفلين
انتي روحـــي معه بس حطي لكل شي حد
امه وابوهـ انزلي لهم الصبح
بوسي راسهم وقهويهم عشان يقدركـ زوجك ويحبكـ
وطول اليوم لاتنزلين خليها عاده الصبح
واشرطي انه يكون لك مطبخ فوق
وبالتوفيق

اصري على موقفك وقولي هذا شرطي والشرع والدين يلزمك تلبي شروطي مادام بالبداية وافقت عليها ليش وين اعتراضك انا عني تعودت بالجلسه ببيت اهلي وماراح اطلع من عندهم الا على بيت وشقه لحالي بعماره بعيده عن اهلك اهلك احبهم واغليهم واموت فيهم امك فوق راسي وخواتك بعيوني بس كيف انت ترضى كل شوي اتصادف انا وواحد من اخوانك او ازواج اخوانك ماراح اقدر البس مثل قبل وين راحتك انت بدل ما تجي تنام وترتاح تسمع صراخ ولد فلانه وازعاج ولد الثاني اانا اطفالي اقدر اتحكم فيهم بس عيال الناس ما اقدر فهميه انو انا ابي راحتك قبل راحتي وقولي لو تعيش بعشه انا معك واحبك وانتو ابو عيالي ومالي غنى عنك احبك وعشان احبك ابي الراحه لك بكره تجي المشاكل وانت راح تتضايق اكثر مني دام علاقتي في اهلك حلوه ( حتى لو مو حلوه كذبي) وكذا اهلك مرتاحين وانت مرتاح وانا مثل
ويا شيخه ابدي بشغل الانثى وحركي انوثتك انتي فاهمتني جيبيه لبيت اهلك وجننيه شوي بانوثتك خلي وحده من خواتك تفضي لك الجو وابدي والله ليسكنك بفندق لو اهتوا

حبيبتي يعني فكري معايه بعقلج شويه

انتي صدقج تبين تتركين ريلج عشان والله يمكن يصير كذا وكذا و كذا !!

تبين تخلين ريلج و تتطلقين عشان هالسبب !!

ظنج يستاهل هالشي الطلاق و تشتتين بنتج !!

بنتج رضيعه و اخوه مراهق شو بيسوي فيها مثلا !!!

و شو فيها لو قعدت عند يدها و يدتها !!

انتي انانيه ما فكرتي ريلج ليش يبا هالشي بس فكرتي في نفسج و وضعج

مب اريحله من ناحية المصاريف

واصلا عييييييييييب و منقوووود تكونين عايشه مع اهله في بيت واحد ما تنزلين يوم واحد عندهم تسيرين عليهم حتى لو العصر و لا بعد المغرب

نص ساعه ساعه بالكثير مافيها شي بتمووتين ؟؟

يا شيخة خليها 4 مرات في الاسبوع !!

تبين تكسبيهم نزلي معاج حلى في الاسبوع مرة انتي سويه بروحج و نزلين و كليه مع ريلج و اهله عندهم في البيت بعد ما تصلون المغرب !!

ريلج بيتعلق فيج و بيحبج زوود ييوم بيشوفج تهتمين في اهله اللي يحبهم مووت

طيب حطي نفسج مكانه

لو انتي كنتي ساكنه في شقه في بيت اهلج مثلا مع ريلج و بنتج

ما بيزعلون اهلج و يشوفونج و ما يشوفون ريلج ابدا الا بالنادر يسير عليهم و لا المناسبات !!

انتي ما بتتضايقين يوم ما يطيع يروجح معاج ولا مهتم لا و يعصب او يتضايق يوم تروحين تقعدين معاهم و تخلينه

هو ترا جيه يزعل و يتضايق

شوفي شو يحب يسوي عندهم او شو يعجبه و ليش يرتاح هناك و يبا يطول

اكيد شي فاقدنه عندج

اكيد محترمينه و رازينه بينهم و يحس انه له كلمه مسموعه

يا ماما من تزوجت و ماكان بينها و بين اهل ريلها مشاكل

مافي حد كامل الا و يكون في شي

لاكن انتي ما تصبرين و ما تبين الجزاء من الله

اكسبيه احترميه اذا هو ما يحترمج الا عشان اهلج هذا يعني انج ما تحترمينه بس اهلج ناس يعزهم و يحترمهم

احترميه بيحترمج

بما انج عصبيه اكيد رفعتي صوتج عليه او تعصبين عليه و هذا اللي منفرنه منج

ما يحبون اللي تعصب و تنكد عليهم



تخططين و تفكرين تتطلقين ولا تتركينه

تبين تتركينه

روحي اقعدي عند اهلج

و خليه تراه هو بياخذ بعدج وحده و بتكون اشطر عنج و بتكسبه و بتكسب اهله

ما بيتم قاعد عزاابي ما يصبر الريال عن الحرمه

و بيعيش حياته و انتي خليج عند اهلج مع بنتج بحسرتج و ندمج

يمكن تتمين مطلقه و يمكن يمكن تعرسين مرة ثانيه

و يا عالم كيف بيكون حظج


و لا تنسين اللي تطلب الطلاق من ريلها و هو ما مقصر معاها و لا في سبب مقنع

ما تشم ريحة الجنه

و الرجال مكلف بكسوتج و اكلج و مبيتج و اعتقد ها كله متوفر في ريلج و لو انه مقصر في الكماليات



و انتي و ضميرج