اترك زوجي والا ما اتركه ؟؟

السلام عليكم

والله يا بنات حالتي حاله ما ادري وش اسوي

انا متزوجه من 12 سنه وجبت ولد واحد بس ولله الحمد والشكر ومن بعدها اصيب زوجي بعجز وضعف بالحيوانات المنويه
وما خلى مكان ما عالج فيه بدون فايده وانا صبرت وصرت ما افاتحه بموضوع الحمل لانه يتنرفز منه

الحين صار فيه مشكله ثانيه وهي انه زوجي يتيم الاب لكن جده كان يصرف عليه بدون حساب كان يسفرنا اوروبا كل سنه على حسابه وشترى لنا بيت ونص الفرش من فلوسه واشترى له سياره وكان معيشنا عيشه ما نحلم فيها ومشغل زوجي بشركته براتب خرافي

لكن شاء رب العالمين وتوفى جد زوجي من سنتين تقريبا والورثه اللي هم اعمام زوجي باعوا الشركه وزوجي صار بدون عمل ومحد يبي يوظفه الا بمرتب مررررره ضعيف لانه ما معه شهادة ... والحين حالتنا ضنك
شوي علينا ونشحت :(
وبالاضافه الى هذا صايره نفسية زوجي تعبانه مررررررررررررره ما اقدر اكلمه بشي وم يتقبل مني اي كلام اقول له بيع البيت وخلنا نطلع بشقه عشان نستفيد من فلوس البيت ما يرضى يقول ابيع بيتي واروح في اجار انتي مجنونه

اقول له اشتغل بالنهار وكمل دراستك ليلي وكمل الجامعه يصير كانه مجنون يقول تبيني بعد هالعمر رجال شكبري ارجع للمدارس

والله يا بنات ما يعطيني الا ميتين ريال بالشهر لي وللولد :(
والمشكله انا جايه من بيت عز ومتعوده على الخير موب قادرة اتاقلم على هالوضع ابد ... زيادة على كذا مسالة الانجاب ماثرة بنفسيتي ... حاز بنفسي اني صغيره وما اقدر اجيب عيال .. وزوجي الله يهديه لما كان على حياة جده ما كلن يستثمر الفلوس او يغبي جزء منها للزمن .. لا .. كان يصرفها كلها على مظاهر وعزايم وبالرغم من اني كنت مبسوطة من ذاك الوضع الا اني كانت خايفه من هاليوم وكنت دايم اقول له ليش ما تشتري اسهم للزمن ؟؟ ليش ما تحوش ؟؟ وما يسمع كلامي

الحين الوضع متأزم وانا زعلانه عند اهلي وافكر اني اتركه .. لكن المشكله اني احبه بجنون ... لكن الحياة صارت صعبه معه بالحيل

يمكن بتقولون اني نذله صبرت عليه يوم كان قادر ماديا والحين ابتركه يوم افتقر .. لكن والله وبلله اني اخر وحده ممكن تكون نذله وصبرت عليه في امور كثيره غير عجزه عن الانجاب وامور كثيرة ما اقدر اذكرها هنا لكن ما توقعت الفقر صعب لهالدرجه واللي يده بالنار مو مثل اللي يده بالمويه ....