اتزاعلت مع امي ساعدوووووووووووني

السلام عليكم ورحمة الله وبركاته
كيفكم يا حوائيات

انا حادخل فيي الموضوع وابغا النصيحة منكم
انا عندي امي الله يهديها كانت تقدر زوجي وهو يقدرها لحد داحين ويحبها زي امه ومتعود يمزح معاها وهي عادي
بس الفترة الاخيرة صارت ماتتكلم فيه بالخير وكل ماجبت سيرته اتكلمت عليه كلام مو طيب
قبل كم سنة انا اتزوجت وسكنت في بيت غرفه كثيرة وزوجي كان عنده معرض مفروشات ولوح واكسسوارات ولما قفل محله فرشنا بيتنا منها وحطينا الباقي في غرفة ولما نقلت من بيتي بابا قال لزوجي ان كنت مو محصل مكان تحط في اغراضك في الملحق مانستخدمه قلي زوجي انا خايف احطها و بعدين طول الوقت يقولولي تعال شيلها ماندري فين نوديها المهم اتوكل على الله وحطها في الملحق المهم اخر مرة كنت جالسة الا ماما تفتح موضوع زوجي تصرخ فيا تقولي زوجك مايستحي يمزح معايا يقول انتو بعتو الاشياء قلتلها بيمزح معاكي قالتلي لا مايمزح قلتلها ماما انتي طول عمرك تتقبلي مزحه ليش داحين صرتي تتحسسي وانا طبعا قمت وعصبت قالتلي بعد كده لا يمزح معايا ولا شئ قلتلها هو يعتبرك زي امه ياماما قالتلي لا ماني امه انا طبعا زعلت مرة قلتلها انتي ايش صار فيكي مانجيب موضوعه الا وتعيبي فيه ولا عمرك جبتي حسناته بكلمة طيبة من فترة قالتلي انتي زوجك مايستحي في العيد ولا عيد احد بس راح يعيد اولاد اخوانه واخته وزوجة ابوه قلتلها مين قلك اعطاني وقلي عيدي اللي تبغيهم وبالفعل عيدت بنت اختي (احنا العاددة نعيد الصغار بس وهو عيد زوجة ابوه لانها غلبانة وابوه على قد حاله) قلتلها وقدام عينك انا اعطيتها سكتت ومرة قالتلي زوجك اكيد عنده مصيبة ولا ليش يسهر في الليل اقلها انا اعرف فين بيروح وفين بيجي وبيكلمني واعرف مع مين يجلس وكلام كتييير ماعمرها تجيب سيرته بحاجة طيبة وطول الوقت تجلس تقولي احنا صرفنا عليكم واحنا كسيناكم في العيد زمان (لانه زوجي كان ماعنده وظيفة) ومن ضمن العفش اللي خطيته بالملحق طاولات مرة روعة اخدتها وحطتها بصالونها ولما نقلت زوجي طلبها منها قالت طيب تجي تقولي محااعطيكم هيا كفاية انه صرفنا عليكم وسوينالكم وعملنالكم طيب دا نصيبي ايش اسوي
ولما دافعت عنه وقلتلها ليش تعيبي فيه دايما دا زوجي انا مااسمح لاحد يتكلم عليه بكلمة مو كويسة زعلت مني قلتلها يعني انا غلطت اني دافعت عنه قلتلها حتى لو كان اخس انسان في الدنيا مااخلي احد يتكلم عليه قلتلها هو لما اهله وخيلانه اتكلمو عليا قص السنتهم ووقفهم عند حدهم وصارو يحترموني ويحترموه ويضربولنا الف حساب انا اجي اخونه واخلي العالم تتكلم عليه قلتلها اسمحيلي الا زوجي زعلت مني مرة وقالتلي لا تكلميني

ببعدها بشوي اخويا جاا وبيمزح مع عيالي يقولي عيالك معفنين راحت ماما قالتله لا تقول كده دي تزعل اذا احد اتكلم اي شئ عليهم (تدقني )حسيتها تبغى تشعللني بزيادة
قلتلها ايوه ازعل ليش ماازعل دول عيالي (عادة ماما تضايق منهم واحد عمره 5 سنين والتاني سنتين) قلتلها دول عيالي هم كده يعني ايش اسوي فيهم ارميهم بالشارع عشان مايضايقوكم وقلتلها انا اعرف انه الجدة تحب احفادها بس انا ما اشوف كده كل ماتشوفينا جيناكي تقلبي وجهك فينا
والله ماقدرت امسك نفسي ماانسى حركة مرة سوتها ليا من كثر ماطفشت من اولادي طفت لمبات البيت كلها وجلستنا في الصالة باباجورة وقالت ماابغى اسمع ولا نفس وراحت دخلت غرفتها ولا سالت فينا لما رحنا انا نزلت ابكي من قهري منها وقلتلها مع النقاش اللي صار على الموقف دا انه زعلني واتضايقت منه
قالتلي انتي كمان جاية كل يوم قلتلها انا مااجي غير الا لو في شئ لانه بعدها بيومين كان زواج اختي فكنت اساعد وهي اللي طلبت مني اجي اساعدها واخرتها دا جزاتي

واكتر كلمة قهرتني لما كنت ادافع عن زوجي انا ادري انتي سويتي دا كله لانك عارفة انه زوج اختك احسن من زوجك طبعا انا انصدمت من كلمتها وقلتلها اصلا مو في بالي ولا فكرت بدا الشئ انا مقتنعة بزوجي وكل واحدة تاخد نصيبها يعني عرفت انه دا تفكيرها
ورحت اتصلت على زوجي قلتله تعال خدني قلي مشغول قلتله تعال وقلتله ماما بعد كده لا تمزح معاها لو سمحت لانها زعلت منك قلي انا اعتبرها امي واهلي واخرتها كده تقولي الا جات امي سمعتني وبهدلتني قالتلي انتي ماتستحي انتي اصلك تالفي كلام انا ماقدرت على دا كله ولبست عبايتي واخدت ليموزين ورجعت بيتي رجعت ابكي مقهورة مقهورة يابنات اااااااخ ماعمري زعلت امي وفي نفس الوقت مقهورة من اللي سمعته ماكنت اتوقع ماما كده تقول وكده تقلب على زوجي والله زوجي طيب كم مرة اتزاعلت مع بابا وهو يصلح بينهم مرة زعلت وجاها انهيار عصبي ودخلت المستشفى وزوجي اللي وقف معاها وقفت رجال وفي الاخر دا جزاته وجزاتي يوم دافعت عنه

واخرتها اليوم القى بنت اختي عمرها 9 سنين دريت عن الموضوع لانه ماما راحت حكت وسمعت الكلام مرة عصبت

شاوروني وانصحوني وانا عارفة انكم حاتتهجمو عليا انا صح غلطت في بعض كلامي معاها بس ماني عارفة ايش اسوي ومااقدر اكلمها الايام دي لاني لسه زعلانه افكر لو اروحلهم اروح ومعايا زوجي مرة بالاسبوع واجلس شوي وامشي

شاوروني