توت البراري :

و عليكم السلام و رحمة الله أولًا ، مبارك لك الحمل ربي يقومك بالسلامة ثانيًا ، لا تتخذي قرار الانفصال خلال هذه الفترة أبدًا ،، يعني ما ينفع تفكري بهذه الخطوة المصيرية وقت الحمل أو حتى فترة النفاس ، إن كان و لابد فكري فيها بعد ما تتزن مشاعرك بحيث ما تكوني تحت تأثير الهرمونات و التوتر .. بالنسبة لزوجك مثل ما ذكرتي عنده عيوب و في المقابل مميزات و الأمر يرجع لك ، لأن ممكن عيب أنا أصبر عليه إنت ما تطيقينه أو العكس ، لذلك بعدين استخيري و فكري بكل شيء و استشيري بوضعك و ربي يكتب الخير لك .. الآن ركزي ع أهم نقطة و هي التغذية ، و معها خروجك كل فترة و الثانية حتى تغيري جو ، و الأثاث بعده كل فترة طالبي بتغيير شيء من الأشياء بحجة إنه خرب زيادة و شرائكم للجديد يوفر قيمة تصليحه كل شوي .. بالنسبة للأكل ، إذا هو ما يوفر الخضار و الفاكهة إلا بعد ما تطلبين عادي أيش المشكلة اطلبيه و كرري طلبك إلى ما يحضره لك ، طبعًا بدون نرفزة ، يعني بصيغة التذكير و بأسلوبك مثلًا حبيبي أنا طلبت تحضر لنا كذا لكن شكلك نسيت ياليت تحضره لنا اليوم لأن احتاج للطبخ و هكذا .. ١- لا تطلبي مره وحده ثم تسكتي أو تتوقعيه يوفر الأغراض من نفسه لأن لو كان عنده رغبة يوفرها كان وفرها بدون ما تكرري ، هو كدا يحب يرتاح طالما مقتنع إنه غير مهم فتكرار طلبك له يحفزه إن شاء الله آنه يوفره لك .. و الآن حامل اكسبيها اطلبيه باللي تشتهيه و كرري الطلب ، اعتبري زوجك ما يستوعب الطلب إلا بعد التكرار ٢- إذا صار تحسّن بتصرفاته اشكريه و اثني عليه حتى يزيد بعطاءه لك ، شوفي يا أختي غالبًا اللي يكرم الناس و يبالغ هو يكرمهم لأنه يستشعر منهم التقدير و ردة الفعل الواضحة بعكس كثير من الأهل غالبًا يتعاملوا مع كرم الشخص إنه واجب عليه فما يبادروا بالشكر و إظهار التقدير للفعل لذلك .. اظهري فرحتك بالشيء اللي يحضره لك أو يدفع عليه مبلغ عشانك حتى يدوم العطاء إن شاء الله .. ٣- ركزي على إيجابياته ، خااااصة هذه الفترة حتى ما تتعب نفسيتك خلال الحمل ، تذكري إنه تزوجك رغبة فيك و مهتم بإبنك و بإذن الله يهتم بالطفل الجديد ممكن بعد ولادتك تطلبيه يشتري لك شيء جديد كهدية ع سلامتك لكن شوفي الأسلوب اللي يناسب ممكن من باب المدح له إنه سيرته و كرمه تبارك الرحمن عالي عند الناس و إنك تفتخري به ، و إنه هو كريم و إنت تستاهلي يجدد لك سريرك مثلًا .. لكن طبعًا لا تطلبيه الآن ، ركزي الآن فقط ع الأكل و الطلعه لأي مكان مريح ، البحر ممكن تختاروا الشواطيء الهادئة اللي ما عندها ازدحام ، و بعد كم شهر أو بعد الولادة اطلبيه الهدية أتمنى أكون أفدتك بموضوعك و ربي يألف ما بينكم تقبّلي مروري ، توت 🌹

و عليكم السلام و رحمة الله أولًا ، مبارك لك الحمل ربي يقومك بالسلامة ثانيًا ، لا تتخذي قرار...

عساك تبقى لي :

الله يعينك ويفرج همك ماودي ازيدك هم لكن لفتني شغله مااحد من الردود نبهك عليها مسأله انه تزوجك بدون تصريح ؟ هذي انتي عارفه اش عواقبها ؟؟؟! طفلك اللي حامل فيه ماراح ينضاف بكرت عايله ولا راح يقدر يتسجل بمدرسه حكوميه لو يطير زوجك طالما الزواج من دون تصريح من الحكومه يعني يبقى طفل رسمياً مجهول في سجلات الحكومه الرسميه ولا اهرف من راسي والله اعرف وحده اجنبيه اخذها سعودي من غير تصريح وعندها طفلين الى يومك هذا ماااتسجلوا بكرت العايله ولا لهم اثر في سجلات الدوله الولد صار عمره قريب من عمر المدرسه ولاهم قادرين يدخلوه مامعه اي اوراق تثبت هويته ! والمشكله بعد الطفلين طلقها وتبغى ترجع بلدها مااهي قادره لان اطفالها مالهم اوراق رسميه كيف تقدر تسفرهم !؟ اذا مو مصدقه كلامي اتصلي على اي محامي واسأليه ركزي الفتره الجايه على موضوع التصريح وانه يطلعه لكم عشان طفلك الله يعينك ويفرج همك

الله يعينك ويفرج همك ماودي ازيدك هم لكن لفتني شغله مااحد من الردود نبهك عليها مسأله انه تزوجك...