اتزوج واتغرب .. والا اقعد بديرتي واعنس؟ شرايكم ذبحني التفكير

السلام عليكم .. بختصار القصة ومافيها .. عمري 26 سنة ..
الى حد ان كان عمري 24 كنت محجوزة لابن عمي وبعد ما الاخ سافر ودرس برا ورجع غير رايه ..
مايبي امه تختارله.. وبالمناسبة الاخ كان زواجه امس "الله يهنيه"

ومن الضحية انا .. وسبحان الله اللي تقدمولي خلال هالسنتين مالله يكتب لازم فيه شي ناقص

والحين تقدم لي ولد ولدعم ابوي ..:arb:

مشكلتي اني مابي اتغرب اهو من ديرة ثانية .. مو بعيد ساعة بالسيارة .. بس اسمه سفر وغربة:(

ابوه يقول لابوي اهي خل تقعد عندكم وشغلها ماتطلع منه ويجيها في عطلة آخر الاسبوع ..

بس يا بنات انا متعقدة .. احس التاريخ يعيد نفسه
امي استقرت هنا .. وابوي بديرة ثانية بحكم شغله ويروح ويجي كل اسبوع او مرتين بالاسبوع

بس احس ان علاقتي مع ابوي غير الناس .. احسه بعيد في جفا بينا
والله حتى لما تقاعد وجا عندنا على طول ما كنت متعودة على وجوده في البيت
احس انظلمنا انا واخواني

وما ابي اظلم عيالي واعيشهم العيشة اللي عشتها ... مع اني والحمدلله عشت ملكة
البنت الوحيدة ..خدم وطباخ وسايق وووو الحمدلله كل شي متوفر بس مع كل هذا في شي ناقص
..

واحاتي الوالدة .. من لها اذا كبرت واحتاجت او مرضت لا سمح الله .. لو عندي خوات كان اهون

في نفس الوقت كل مواصفاته ممتازة .. وفكر اني اذا وافقت اني ارتبط فيه بروح اعيش معاه اهناك
عشان اعيالي في المستقبل

بين نارين ابي اتزوج واستقر واحس بانوثتي واجيب اطفال (احس عندي حنااااااااااان وابي امارس الامومة)
ومابي افارق امي وديرتي ..

اخاف ارده وانا بهالسن خصوصا ان الفرص في الزوج قليلة في ديرتي اللي عايشة فيها بحكم العادات والتقاليد
بنتا عمي خطوبهم من اهل ابوي واعترضو وال والحين كلهم 5 في نهاية الثلاثين وبعضهم في نهاية الاربعين من غير زواج

اوافق والا اعنس.