تاهت عناويني @taht_aanaoyny

عضوة نشيطة

اتزوج ولا اتطلق ساااعدوني تعبت من التفكير

السلام عليكم ورحمته الله وبركاته

اخواتي ابي استشيركم بسالكم بالله ماتحذفون الموضوع

حلفتكم بالله ماتحذفون ه

وتشيرون علي كل وحده تحط نفسها مكاني

انا مملكه من سنتين المهم بعد ثلاث شهور صارت مشاكل من اخواته وهو صدقهم وقطعني وكل ماادق عليه ويقولي انا عفتك انا طابت نفسي منك او مايرد علي رسلت له ناس كثير ومانفع اهلي يدقون عليه مايرد وجرحني كثير
وقال ابعلقك لا اطلق ولا اتزوج
مشكلته زوجي انه يسمع كلام امه بشكل كبير
المهم بعد سنه وتسع شهور من هالكلام والمحاولات رحت اشتكيت ع المحكمه ووقت الجلسه جا وقال انا ابيها وابسوي زواج ثاني العيد يعني بعد شهر بس بيسوي الزواج بسيط باستراحه وكم ذبيحه
طيب هو له سنه وتسع شهور مايكلمني واخر كلام دار بينا انو مايبيني تخيلوا بالمحكمه ماسلم على ابوي
ولا يكلم امي ولا يكلمني انا وله اربع ايام من سالفه المحكمه انتظره يتصل يتفاهم معي ومااتصل

المهم انا محتاااره اتزوج ولا اطلق
انا صحيح انه بقلبي فيه له حب والمشكله انه جرحني كثير وكل الناس درت بمشاكلي وقاموا يتكلموا
يوم اقول لابوي ابي الطلاق وندبر فلوسه الكل يقولي لو تطلقتي بيجيك ميت واحد وفي كثير عرسان منتظريني اطلق لانهم يعرفون انه لي سنه وتسع شهور معلقه كذا
ويوم اقول بوافق بس بشروط نفسي افرح بفرح حلووو موكبير مره ولا مكلف بس يكون زين
جماعتنا زواجاتهم روووعه ودايم اتمنى مثلهم
ولما اذكر كلامه واهانته لي وانه تاركني سنه وتسع شهور انقهر وابكي واصمم ع الطلاق
ومرات اذكر جلساتنا مع بعض وكلامه احن له
بجد انا محتااااره تكفون سااعدوني
طيب ينفع اتزوج من غير ذهب ولا حتى خاتم الله يسامحه ابوي اخذ نص مهري ومابيرجعه ومابقي معي ولا ريال
طيب لو تزوجت وشلون بتعامل مع امه واخواته اللي هم سبب كل شي
مفكره اختصرهم مع اني مااحب كيذا وتتوقعون انه لما شكيته بالمحكمه بياثر على زواجنا لو صار نصيب
طيب تتوقعون بيتغير بعد الزواج ولا بيسمع لامه بعد
طيب لو تطلقت تهقون ماازعل ياربي تعبت من التفكير

تكفون وقفوا معي ماعندي لا اخت ولا ام انا عايشه مع مرت ابوي ومالي غيركم بعد الله

يلزم عليك تسجيل الدخول أولًا لكتابة تعليق.

تسجيل دخول

Sweet Feeling • 14 سنة

لاحول ولاقوة الابالله

يااختي الله ينصرك على كل ظالم

والله زوجك واهله اذا ذي افعالهم مالهم امان

يعني معلقك هذي الفتره كلها والحين لمن اشتكيتي زنتي في نظره يمكن زواجه منك بدافع الانتقام

لاتزعلي مني يمكن كلامي فيه قسوة بس وربي من قهري عليكي استخيري وشوفي

وش راح يطلع معاكي وقولي حسبي الله ونعم الوكيل ..

ماتهاااب • 14 سنة

Sweet Feeling :

لاحول ولاقوة الابالله يااختي الله ينصرك على كل ظالم والله زوجك واهله اذا ذي افعالهم مالهم امان يعني معلقك هذي الفتره كلها والحين لمن اشتكيتي زنتي في نظره يمكن زواجه منك بدافع الانتقام لاتزعلي مني يمكن كلامي فيه قسوة بس وربي من قهري عليكي استخيري وشوفي وش راح يطلع معاكي وقولي حسبي الله ونعم الوكيل ..

لاحول ولاقوة الابالله يااختي الله ينصرك على كل ظالم والله زوجك واهله اذا ذي افعالهم مالهم...

المستشار مؤتمن وانا بصراحه ماابي اشور عليك بشئ وتندمي عليه

استخيري ربك والله يفرج همك

وحشتنى امى • 14 سنة

استخيري واستخيري ثم استخيري واذا ربك يسرها خلاص معناه نصيبك وياقلبى قبل متدخلى بيته لو عندك شروط ولا شى خلى اهلك يعلمونه ولا تنسى استغفري كثير ورددى لاحول ولا قوة الا بالله ولاتنسى الاذكار يمكن عين صابتكم من بدايه الملكه وفرقتكم انتوا واهله

تاهت عناويني • 14 سنة

لا تكفون شوروا علي
انا استخرت كثير لي ومن ايام الملكه وانا استخير
واحس اني متردده

يارب يطلقني واجي ابشركم يارب
ادعوالي

سلاتونة • 14 سنة

الله يعينك يارب ويسهل أمرك
ماني عارفة وش اقولك بس ما اقدر اشور عليك بشي
واخاف احاسب عليه
زي ما قالوا البنات استخيري والله يختار لك الخير ...