حبايبي بنات حواء السلام عليكم ورحمة الله وبركاتة.
باختصار تزوجت وعندي 4 اطفال كلهم صغار الكبيرة 6 سنوات . كل سنواتي بالزواج كانت هم ونكد وصبر علية وعلى امة وبالاخير اكتشف خيانتة ووصلت الامور لين الطلاق لاني اكتشفتة وهو اهم ماعندة بالحياة المظاهر.
المهم لي سنة من الطلاق وانا صابرة يجي بالاسبوع مرة لمدة ساعة ونص ياخذ الاولاد عشان ياخذهم لامة تشوفهم يعني ماهب محبة فيهم بس عشان قدام الناس انة يشوفهم وقدام اهلة انة رجال.
انا عمري 32 وتقدم لي قريبي من بلد ثانية وقال للوالد ابي عيالها قبلها.هذا كان خاطبني من قبل ما اتزوج وماتزوج واول ماسمع بطلاقي بعدها ب 8 شهور راح للوالد وتقدم لي وقال انا مستعد للي تامرون علية تبي ااجر لها بيت عندكم وتربي عيالها وانا بجيها كل ماقدرت لين يكبرون العيال او لين ابوهم يوافق او تبي تسكن عندي.
المهم ابوهم طبعا يقول اذا تزوجت باخذ عيالي. وهنا الخوف لانة ماهو قد التربية ولا المسؤولية وامة ماتبي تربي احد يعني احتمال انة ياخذهم ويخليهم عند الشغالة واحتمال انة بعد فترة يتعب ويرجعهم لي.
انا ميتة من الخوف والحيرة لان قريبي هذا من عيلة ورجل ممتاز وماهو متزوج يعني لو بفوت هلفرصة ماحد بيتقدم لي الا النطيحة والمتردية.شل الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اخاف اتوكل على الله وياخذ عيالي لو اسبوع ويدمر نفسياتهم ويكرهم هو وامة فيني وبعدين اجلس عمري كلة ندمانة
واخاف ارفضة وهو اكيد بعد كم سنة بيتزوج وماراح يهمة عيالة حتى لو تزوجت بعدين بيكون ملهب يالزوجة الجديدة والعيال وبينساني وعيالي.
امانة حطوا نفسكم في موقفي خاصة اني اخاف كثير على نفسيات عيالي والان وهم في هلسن اسهل الزواج من اذا كبروا لانهم مايفهمون وخاصة ان الكبيرة تزن علي ماما تزوجي نبي ابوا جديد يعيش معانا.
انتظر ردودكم ودعائكم.اسال الله العظيم يفرج همي وهم المهمومين من المسلمين
الخزامى والنفل @alkhzam_oalnfl
عضوة فعالة
يلزم عليك تسجيل الدخول أولًا لكتابة تعليق.
ميهاف
•
استخيري والله يعينك الموضوع مهب سهل انا لومكانك مدري وش اسوى والله حيره بس لاتفرطين فى عيالك مهما صار والله ان تنقلب حياتك حزن وغثى لا ولو تزوج وعذبتهم زوجته والله تندمين
عاشقة خيال شكرا على المرور والدعوة وتاكدي لك ملك يقول لك ولك مثلة.اللهم فرج همي وهم المهمومين.
لله يفرج همك الا ستخاره اولا ثم عليك بدعاء وكثري من الاستغفار بنية تفريج الهم ونطرحي بين ايدي الله في صلاة اليل
وسوف يهيا الله لك الخير قلبي معاك
وسوف يهيا الله لك الخير قلبي معاك
الصفحة الأخيرة
طبعا الاستخارة قبل كل شي وان شاءالله البنات يفيدونك
ربي يوفقك ويسعدك