اتسلف واطير الراتب عشان غسالة والا لا؟؟؟ ابي رأيكم لو كنتوا مكاني

مساء الخير

كيفكم بنات؟













اليوم عندي لكم سالفة :35:
اولا الحمد لله السنة هذي توظفة بمدرسة اهلية معلمة وماراح يعطوني راتب الا 1300 ريال فقط لاغير
طبعا من الان 300 ريال راح اوفرها عشان مصاريفي اليومية مع اني عارفة انها ماراح تكفي

ويبقى 1000 ريال حلو!!!

طبعا انا متزوجه من 4 اسنوات وخلال هذي الفترة ماشريت لبيتي ولا ولا شي يذكر الله يعلم ان صحون ومواعين للمطبخ سنعه ومرتبه ماعندي
ولاتحف لغرفتي
ولا تلفزيون لصالتي
وجوالي قديم نوعا ما
حتى دخلات السوق كنت محرومه منها عشان راتب زوجي قليل نوعا ما
وبين كل دخله لسوق والثانية6 او 8 شهور
وفوق هذا كثير من اللي حولي ولدوا وتزوجوا ولا مره شريت لأحد منهم هدية
حتى امي وابوي من زواجي الى اليوم عود كبريت ماجبت لهم بسبب قلة الفلوس بيدي
ويوم توظفة وعدت نفسي ان الراتب هذا ابي اتهنا فيه انا وبنتي وخصصته لطلعات السوق وللكماليات اللي تنقصني
ممكن الكثير يشوفها ماهي ضروريه.....بس الغاءها تماما صعب صعب

المشكله وين؟؟
غسالتي خربانه من سنتين وهي من النوع العادي تسرب كل المويه وفيها ماس كهربائي ومتعبه مره مره وقيمت تصليحها راح تكون اعلى من سعرها الاصلي:icon33:
وفوق هذا جوالي قديم شوي ولما اروح لدوام اشوف هالمدرسات انواع البلاك بيريات والايفونات
وصراحه طقتني الغيره ههههههههههه:mad:

فقررت اتسلف من تاجر جوالات مبلغ 4000 او 5000 ريال واشتري كل اللي نفسي فيه

غسالة اتوماتيك
وايفون لو مستعمل
ولو بقي مبلغ اشوف برضوا الناقص

بس ابداء اخصم من الراتب 500ريال او اكثر شوي وارد الدين لمدة 8شهور
وانا عقدي بس 9 شهور
وماراح يبقى لي الا 800ريال
وتخبرون 800 ريال ماتسوا شي بهالغلا اللي حنا فيه

رايكم اتسلف والا لا واتهنى بالراتب ولو انه قليل بس الحمد لله على النعمه؟

لااحد يجي ويقول لي اطلب من ابو الشباب يساعدك او يشري لك غسالة:angry:
لانه شايف وعاجبة الوضع
ولو تسلف راح يتسلف لوناسته


تخبرون ماهو هو اللي راح يغسل ويبربس بالماء وتقفل معاه الاخلاق
ياما وعدني بلاب توب وجوال وغسالة وكله كلام في كلام يقولون مالايفعلون
حتى مصروفي شهر يعطيني و3 شهور يسحب علي الحمد لله على كل حال

انتظركم