اول شي نهنئ الاخت خلصت الاسامي على سلامه زوجها اللي خوفها كلكم عارفين قصتها
فأن من قرأتي لموضوعها جاء في راسي اني افتح موضوع برود الازواج
مثل يطلع من البيت ويتأخر ويطفي جواله ولايطمنا
الزوج يسوي كذا عن حسن نيه لان قلب الرجل مو مثل قلب المراه
حنا بس يقفل الجوال او مايرد يجي في روسنا مليييووووون تصور والشيطان اعوذ بالله منه يصدق ذا التصاوير :(
يجي ويقول زوجت اكيد يوم مارد على جواله اكيد صار عليه حادث ومات <<<يمه من ذا التصوير
او يقول زوجك اكيد تهاوش مع احد في الطريق او عند المحطه واطلاق على زوجك النار وزوجك مات :icon33:
او ان زوجك راح مع طريق صحراوي وضيع الدرب ومات من العطش:icon33:
كل ذي افكار شيطانيه تجينا اذا اتصلنا على ازواجنا وماردو علينا
واللي يقهر ان الزوج المحروس قاعد في الاستراحه يلعب بلوت
او يلعب كوره وجواله مخلص شاحنه ولا اهتم
والزوجه المسكينه على نااااااار تغلي
واذا شفناهم داخلين مع الباب انفجرنا نبكي ونضم فيهم<<<<يابرووودهم
بقولكم موقف صارلي كنت بموت من الرعب
:44:
كنا في رمضان طلع زوجي يصلي الفجر ولا رجع
وانا اتصل على جواله ومقفل صارت الساعه 8 الصبح ولا رجع
ااحترقت ولانمت واتصل ومقفل يارب وش السوات
اهل زوجي في جده وكل خواته في جده
واقوم جده عن بكره ابيها :icon33:
ابوه اخوانه خواته ازواج خواته
وصلت الساعه 3 العصر وهو مارجع ولا اتصل:icon33:
عمي الله يرحمه جالرياض طيران <<<ياقلبي ياعمي الله يرحمه ماانسى موقفه
ودقت ساعه الصفر<<<خخخخخـ على قوله القذافي وصلت الساعه 4 العصر وشرف المحروس
يوم دخل وشاف ابوه انصدم خاف ان فيهم شي
انا كنت منهاره وعرف زوجي بالموضوع وقعد يبرر وقال انا ارسلت لك رساله
طبعا هو كان مسافر للقويعيه صديقه صار عليه حادث ودخلوه مستشفى القويعيه وزوجي راح عنده
زوجي اخذ علقه محترمه من عمي الله يرحمه
انا قمت وسويت الفطور وعمي افطر وسافر لجده بعد ماتطمن علينا
انا قعدت يومين وانا تعبانه تصدقون مارضيت الابعد اربع ايام
والله ماراح انسى ذا اليوم :44:
من بعدها خلاص زوجي حرم يقفل جواله واذا قفل يطمني برقم واحد من اصدقائه..
يلا ياحبوبات كل وحدتن فيكن تذكر لنا موقف لزوجها اذا قفل الجوال ولاطمنها..
يارب تحفظ لنا ازواجنا ولاتورينا فيهم مكروه آمين يارب..
جوري بنت خالد
الله يخليهم لناويحميهم من كل شر يارب
المفروض الزوج يطمن على الجوال بين فترة وفترة
الله يهدي الجميع