اتصل علي في اخر الليل..قااال:"امك تحترق"

صبااااااااااح الخيرات والمسراااااااات عليكم بنات حواء واخواتي الغالياااااات..

والله عن جد ماادري ايش اكتب من البارح والله مانمت من الخوف..

باختصار انتم تذكرون موضوعي الاول عن صديقتي وحبيبتي الغالية اللي نزلته قبل فترة..
وهذا الرابط..
http://forum.hawaaworld.com/showthread.php?t=1498027

طبعا الموضوع يخص امها..
بلاول ابغى اقولكم سالفة حصلت قبل 8 سنوات والله كنها اليوم صايرة..يعني مانسيتها..
كنت انا وصديقتي في المدرسة وكانت امها حامل وكان فيه خلافات بين امها وابوها
المهم في يوم من الايام لما قربت ولادة امها يعني باقي اسبوع كذا وطبعا صديقتي دايم تشكيلي يعني احنا من زمان واسرارنا نفضفض فيها لبعض المهم جات مرة قالت يابيسا اتصدقي انو ابوي اليوم وهو بالدوام جاه واحد مايعرفه وهو من قبيلة ثانية جاء وعطا ابوي قارورة ماء وقال شوف انا مااعرفك ولاانت بس انا حلمت فيك ودريت انك انت وزوجتك مريضين وانا لوجه الله هذا علاجك جبته لحد عندك وبيكون فيه شفاء ماء مقري فيه ولازم تشربه انت وزوجتك خاصة المهم اقنعه باسلوبه طبعا قام ابوها وشرب منه واخذ الباقي لزوجته اللي هي امها وخلاها تشرب غصب :mad:
سبحان الله كانت الام ماهي مرتاحة ابد ابد ولا صديقتي..
وانا قلت لصديقتي يااختي اشك انو في بلاء ليش تسرع وشرب منه ابوك وامك وسبحان الله قلبي قارصني قلت يابنت صدقيني مشربهم بلاء بس ايش اسوي ..
المهم بعد يوم واحد تعالو شوفو ايش صار البنت اهملت في دراستها ماتجي الا يوم او يومين بلاسبوع ولما تجي والله مو بالدنيا كلها سارحه شاردة يابنت ايش اللي صار والمشكلة متفوقة والكل حتى المدرسات متضايقين عشانها واهي كانت محبوبة مرة من البنات والمدرسات والشهادة لله..
سالتها ايش فيه قالت يابيسا نااااااااااااااااار في بيتنا ناااااااااااااااااار بين امي وابوي ..؟؟
ابوي فجأة يشك بامي وواصلة للقتل يشك بحملها ويشك يشك بكل شي بالدنيا وتجيه احلام تاكدله هالشي ومذابح بينهم وامي صارت هيكل عظمي ماتكل الا خبز وشاي وبس والله بس من الهم اللي نزل فيها وصار 24 ساعة عند راسها يدعي ويحقق ويحلف على المصحف ويقصد قصيد مجروح ويهين ويذل ويدعي عليها قدامنا ويقول الدعاء بقصيد يعني موااااااااال عند راسها وعند باب الغرفة محجرلها حتى لو تطلع للحمام وراها مايفك ولا تانية عنها والله تبكي بحسرة تقول انا مااجي الا عشان خاطر امي تغصبني ابي اكون جنبها عشان لاطقها اكون مكانها ماابيه يعذبها لحالها خلني اشاركها العذاب والالم وولدت امها بهالظروف الصعبة وهو من طلعت عند راسها ذل وشتم واهانه وماالى ذلك..
والام والله والله يابنات كلمة حق فيها والكل ممن يعرفها يشهدلها اجودية ذاقت المر والموت معه بنت ناس واجاويد احتسبتها لله لاشكت وتكلمت مغير دمعتها على خدها ماتفارقها ابد وتقول حسيبي ربي بينصرني لو بعد حين..
جلست على هالحال سنتين بعدين خف شوي عليها..لكن كل فترة وفترة يرجع الحصار عليها لكن من ذاك اليوم والام في حسرة من الم لالم من مرض لمرض تعالج ذا يطلع ذا وبالذات معدنها تحترق..
المهم قبل كم يوم كلمتني صاحبتي قالت امي كلمتني تدري ايش قالت ؟؟
قالت تتذكري هذاك الرجل اللي عطانا الماء وشربناه انا وابوك؟؟
تقول يقول ابوك فجاة وطبعا هو اختفى من يوم عطاهم الماء وتاكد انهم شربوة اختفى نهائي عنهم..
المهم تقول فجاه بعد 8 سنوات طلع عليه الرجل اللي جاب الماء وكان متغير ملتحي ومقصر الثوب ومتطوع
قال جاني وقال..
انا اللي جيتك قبل كم سنة وعطيتك الماء لك انت وزوجتك ..جيت ابري ذمتي واريح ضميري اللي عذبني واحرقني..
انا خلاص تبت من كل شي وابي اقولكم الحقيقة..
الحقيقة المرة..اللي هي انو الماء كان سحر تفرقه بينك وبين زوجتك انا جوني ناس ودفعولي اللي ابي بس اسوي لكم سحر يخليكم ناااااااااااااااااااااار ناااااااااااااااااااااار مولعه بين بعض واخلي زوجتك مايفارقها المرض..
ومااقدر اقول اكثر من كذا..
ابوها بغاه بيمسكه بيموته وفكو الناس عنه وهرب وقال ماعاد تشوفني مرة ثانية واختفى..
المهم بعد كدا..
الام زااااااااااااااااااااااااد البلاء فيها وذااااااااااااااااابت من الالم والابو يقول خلاص نقرا على انفسنا ومافينا شي طبعا الام هي اللي متعذبة ومقصودة اكثر..حسبي الله ونعم الوكيل عليهم..
المهم صديقتي لها يومين قلبها ناغزها على امها ..ومتضايقة..احساس غصب عليها..
البارح تقول نامت بدري الساعه 8 بالليل تقول حاااااسة بضيقة خانقتني ونمت عشان اخف شوي..
تقول ماادريت الا اخر الليل زوجي جاء يصحيني قال يابنت كلمي امك اتصلي عليها قلت خلاص بكرى ان شاء الله اكلمها لانها مكلمتها العصر قااااااال لالالالالالالالالالالالالا الحين كلميها..
اخوك اتصل يقول اقل لاختي تكلم امي ضروري..
تقول قلت الحين الوقت متاخر وامي اكيد ناااااااايمة قال انتي هدي وكلميها تقول هنا دريت انو في شي..
قاااااال بصرااحه اخوك قال دور اي حجة علشان تخلي اختي تكلم امي من غير ماتخوفهااااا..
وامك تحتتتتتتتتتتتتترق تحترق ..وماتنام الليل من كم يوم..رااااااااااايحة فيها وماتبي احد يقولك عشان ماتفزعين..للمعلومية هالبنت بحياتي ماشفت وحدة مستعده تضحي بعمرها ودنيتها وكل ماتملك عشان تشوف بسمة امها..يعني الموضوع قاتل لها..
اتصلت على امها ونبرة امها نبرة وحدة مافيها حيل بالقوة خلت امها تتكلم تقول تقول امها انا يابنتي احترق جسمي ناااااااااااااااااااااااار يومين ماااكل ولااشرب ماااااااااقدر ولا اتحرك ناااااار تفوح من جسمي ناااااااااار قطعت امعاااااااااائي نااااااااااااار فوحه يطلع من اصابيعي وادور مثل المجنونة احس بشي بصدري بيطلع قطع قلبي وعذبني ماعاد اقدر اتحمل ومااقدر افضفض لاحد غيرك بس ماابي اركبك هم فوق همكم وضيقتكم..الام حاسة انو في بنتها شي..سبحان الله مع ان البنت مابينت..لكن قلب الام..
هنا البنت اتصلت علي اخر الليل تبكي بكاء مر قلتلها خلي اخوك يجيب امك هنا عندك بالشرقية وانا بنفسي علي السكن واللي اقدر عليه بس ماتتركي امك انا حاسه فيها لاني انا بعد يهون علي موتي ولا دمعه امي..الله يحفظها لنا يارب ويخلي لصديقتي امها ويشفيها ياااااااااااارب..
انا قررت ببيع اليوم طقم ذهب لي وبسلمها لها باخذ شقة مفروشه لها اسبوع والا اثنين والباقي يصرفون انفسهم فيها اهي طااارت من الفرح ودعتلي وبكت من فرحتها..وقلت الله يلعن فلوس الدنيا كلها اهم الشي الصحة..
والفلوس تجي وتروح واقنعت زوجي وقال لاتقولي بعدين كذا والا كذا اكيد مقتنعه قلت ايوه واستخرت والحمدلله اقنعت واليوم من الصبح رحت وبعت واخذت لها شقة قريبة منا تمشي الحال طبعا اجار يومي دفعت حق اسبوع وعطيتها الباقي واهي كلمت اخوها ويقول محركين جايين للشرقية لهم..
وبكدا ان شاء الله ماراح يزيد هم الام همين الحمدلله على كل حال الله يجبر بخاطري ويعوضنا باخير من اللي راح..
المهم انا قلتلها تجيبها هنا وتوديها مستشفى يكشفو عليها..
والاهم توديها لشيخ يشوفها قلت يمدحون شيوخ هنا بخلي زوجي يسال ووصى كم واحد عشان نشوف الافضل واللي يقدر ان شاء الله يفك السحر باذن الله والله مااعرف احد هنا بس زوجي يسال وعسى الله يوفق لاني متاكدة انها محتاجة لرقية ويكفي انهم درو انها مسحورة..
الله يشفيها ياااااارب..
بنات يشهد الله انو هالام بنت اجاويد وربت بنت مثلها..عزالله انهم ناس طيبين ماشاء الله عليهم والام كافه شرها عن الخلق كله لاتهس ولاتنس ..مصليه مرضية ربها الله يحفظها ماشاء الله عليها دينه هي وبنتها ..
بناااااااااااااااات تكفون ادعولهم تكفوووون بناااات ادعو لامها بالفرج اليوم تقول كلمت امي تقول النار وصلت راسي من فوق ورقبتي كنه بيطلع شي والفوح والله انه يطلع من فمي حرقني..
الله يكفينا شر نااارجهنم..
بنات ادعو ان الله ييسر لها العلاج ادعو الله ييسر لها امورها من جيتها والشيخ والمبلغ اللي يغطيهم..
بنات كل وحدة تعتبرها مثل امها وتدعيلها من قلبها..
الله يفرجلها يااارب ويطفي هالنار ويحرق من اذاها وسحرها وخرب عليها حياتها وصحتها حرقهم الله وجعلها في قلوبهم الله يجعل كيدهم في نحرهم اللهم امييييييييييييييين..
والله من كلمتني وانا مرعوبة وجسمي مقشعر خايفة على الام وعلى بنتها عسى الله يفرجلهم تكفون بناااااات ادعولها لو بظهر الغيب ان الله يفرج عنهم وييسر لهم العلاج الشافي الكافي الوافي اللهم اميييييييييييين تكفوووووووووووون خلونا ندعي الواحد الاحد الذي امره اذا اراد شي ان يقول له كن فيكون..الهم امين ..
الله يخفف عنها ويفرجلها ويطول بعمرها على طاعته ويخليها لعيالها كباروصغار..ياااااااااااااااااااااااااارب يااااااااارب:44: