اتضايق من شعوري هذا !!!

السلام عليكم اخواتي

انا معلمه واحب اساعد الناس واحب اساعد المعلمات اللي معاي اوفر لهن كل شي يحتاجنه مثلا صور برامج افكار يعني من هالشي

لاني انا اكثر منهن اشتغل لان وقتي يسمح وفي نفس الوقت احب شغل الحاسب :(


بس مشكلتي في ان الناس اللي حوالي تستغل هالشي فيني وتي عندي ويطلبون مساعدتي او اسوي شغلهم بمعنى اصح بس باسلوب غير مباشر فانا اوافق


مشكلتي بعد مايخلص الموقف افهم انهم حاولوا استغلالي وليس طلب مساعده لانهم لو كانو مثلا يحتاجون مساعده لكان قالوا لي عطينا صور مثلا ونحن بنشتغل هم مايطلبون المساعده هم يطلبون اسوي شغلهم بس باسلوب غير مباشر


انا متضايقه من احساسي هذا ،، ومتضايقه اكثر اني ماقمت اساعد الناس وابتعدت عن كثير منهم لاني قمت احس انهم مايبون مني الا الشغل بس

لدرجه انسانه صار لي سنين معاها تطوف يمي ماتسلم وبعد شوي القاها يايه عندي لصفي تسلم وتقولي احلى الكلام علشان تحتاج شغله اطلعها لها من النت مثلا

انا متضايقه من هالشي جدا واحساسي اني انسانه ماساعد اللي حوالي وكتمي العلم يضايقني اكثر


ماعرف شرايكم بالموضوع خواتي ؟؟؟