اتضايق من وجود زوجي

السلام علييكم حبوبااات

اخباااركم عسساكم طيبيين؟؟

راح ادخل بالموضوع ع طوول>ما اعرف للمقدمات

زوجي انسان عنيييد وما يحب يعرف انه هو غلطان
مهما كان واضح غلطه يكره ان احد يقوله انت غلطت معاي
يعني مسوي هو كاامل دايم اذا زعلت منه ما يسألني وش مزعلك
ليش متضاايقه لا يجي يقول عاجبك الوضع كذا ومن هالكلام
واقوله انا زعلت منك عشان كذا وكذا وكذا يقولي بعد فيه شي ثاني...!
والا بس هذا اللي مزعلك ع بالي عندك سالفه..!
وخلاص يقفل ع الموضووع ولا حتى يبرر لي ليش سوا كذا
لا نسكت وشوي كأن ما صار شي...؟
نرجع عاااادي تعبت معااه والله جربت اللين ما نفع
جربت اني اداريه واعطيه ع قد عقله ما اركز على كل شي
ما فاد ويااه جنني ما ادري وش اسوي معاه
ــــــــ

المشكله الثانيه اني احس اني ماني مرتاحه
من طلعت من بيتي الاول وسكنت ببيتي الجديد مع الوقت
حسيت بنفور من زوجي ملاااااحظ حتى منه
انا صرت متضااايقه مني بس وربي غصب ما اقدر
يعني اول كنت استقبل زوجي عند الباب ونجلس نسولف
وضحك وكل واحد يقول للثاني انه مشتاق لكن الحين
مدري فيه شي يرجعني اني اخلي اللي في يدي واستقبله
وكنا ما نجلس نتفرج او نتقهوى او نسولف الا انا في حضنه
الحين اكره اني اجي في حضنه ما ارتاح لين اقوم من عنده
وقت النووم اخليه اسبوووع ما يحصل وانا اتعذر او احيانا مجامله
عكس اوول ....
والله تعبت افكر مدري وش اللي قلب حياتي مره وحده
احيانا اقول فيه بلى بالبيت واحيانا احاول ابعد هالافكار

ودااايم احلم بقطاوه واكثر من مره افسره ويطلع حسد
ولااازم نرقي نفسنا وزوجي نفس الشي من اول ما تزوجنا
واكثر احلامه يطلع التفسير رقيه لنا من الحسد

ولنا قرب السنتين متزوجين وماصار حمل كل ما تتأخر الدوره
يصير شي وتنزل مره من الخرعه تنزل ومره من الشغل
او اني اسوي اشياء اعرف انها لو اكون حامل راح اسقط
بس مدري اقوم اسويها ويوم تنزل اندم اقول يمكن كنت حامل
وامس وانا نايمه شفت واحد كله اسوود جالس يضغط ع بطني بقوه
وكل ما احاول ابعد يده يزيد يضغط وقال ما راح افكك الا بشرط
اني اذا بغيتك تيجين ما ترفضين وانا ابكي واقرا المععوذات واية الكرسي
ورفضت وهو ضغط ع بطني لين نزلت وراح
وكانت متاخره اسبووووع...!

و احس عيوون الجماعه علينا يعني نسمعهم يتكلمون فلان اللي هو زوجي
كيف عليه ديوون فلوسه بكل مكان مو ناقصهم شي
اول واحد يتزوج وما يتدين وبيت ملك ...ولا يقولون ماشاالله

تكفووون ردوا علي ولو بدعووه بس
واسفه الكلام كثير ومو مرتب بس احتجت افضفض
واللي عندها رقيه شرعيه لاتبخل اخاف اخذ من النت ومو معروفه

ودي..~