والله اني ماقصرت بالبحث عن طريق النت
زوجي ياحبيبتي راااافض فكرة العلاج النفسي والشيوخ يقول اغلبهم كذابين وانتي مافيك شي اصلاً
هالكلام بحد ذاته جنني وخلاني اشك بنفسي وزادت الحالة من سيئه لأسوأ
لاحول ولا قوة الا بالله العظيم

شوفي بما اني مطلقه فيمكن اخدمك بشوي معلومات الطلاق ماهو شي سهل علا النفس شي ثقيل ثانيا تخلصتي منه هذالشخص اسالي نفسك هل انتي قادره علا تبعات الطلاق بما ان فيه اطفال هل انتي قادره من جميع النواحي علا مواجه الحياه بهم وتوفير حياه كريمه لهم واحتضانهم ووووووووووووووووو لاتقولين والله مافرش اسنانه بتطلق وبعد الطلاق يضيعون عيالك ويتالمون نفسيا ويتولاهم من لايرحمهم وقتها تقولين ليتني صبرت علا صنته ذاك المروح اولا احسبي حساب انك ماتظلمينه وطلاقك لسبب مو شهوه وحاله نفسيه وتبين ترتاحين انتي مسؤله امام الله عن قرارك اذا هو من فضاوه ولا فيه سبب تخارجين به امام ربي ثانيا مثل مقلت لك تبعات الطلاق بيئه الاطفال نفسيتهم بيت يحويهم ومكان امن ترا انتي بالاول والاخير الي بتواجهين الحياه لحالك خيرها وشرها استخيري استخيري استخيري وارمي الحمل علا الله وتوكلي للي بيدلك الله عليها اهم الشي اصدقي معا الله ولا تتحملين وزر شي

في فرق بين ان الوحده تتزوج وتحس انه مافي حب بينها وبين زوجها لكن بنفس الوقت ماتكرهه ولا تتمنى له الشر ولا تنفر منه و علاقتها معاه فيها موده واحترام لكن الحب بمفهومه المتعارف عليه هي ماتحسه معاه وهذا شي طبيعي
وفرق بين ان الوحده تكره زوجها ونافره منه وماتطيقه هذا الشي مو طبيعي ولازم تحددين الاسباب اللي منفرتك ومكرهتك فيه
ولا تقولين مافي سبب لان انتي بموضوعك ذكرتي أحد الاسباب انه ما يهتم بنظافته
اجلسي مع نفسك بكل صراحه ووضوح وابحثي عن اسباب كرهك ونفورك منه وبتلاقين اسباب حتى لو انها صغيره وتافهه
واهم سؤال هل انتي مجبوره عليه او من البدايه ماكنتي موافقه عليه وشايفه فيه صفات ماتعجبك لكن سلكتي لنفسك وتزوجتيه ؟
اذا عرفتي سبب النفور بتسهلين على نفسك التعامل مع الوضع
اما بخصوص انك تجرحين نفسك وتؤذين نفسك اعتقد والعلم عند الله ان السبب الضغوطات اللي انتي حاطه نفسك فيها وحالة الرفض الشديد لواقعك اللي مو قادره تتصالحين معاه وتتقبلينه
الحل فرغي هذا الكبت والضغط اللي بداخلك عن طريق الكتابه على ورقه وقلم مو بالجوال و اكتبي كل مشاعرك وحزنك واللي تحسين فيه من ألم وحسره وان حسيتي بغصه وودك تبكين لا تمنعين نفسك ابكي وشاهقي وانشقي مثل الاطفال الى ان يطيب خاطرك
وتذكري ان الضرر اللي تسوينه بنفسك مايوكل عيش ولا يحل مشاكل فلا توهمين نفسك انك لما تسوين هذا الشي ارتحتي وربما بحركاتك هذي تزيدين وضعك سوء والشياطين تجيك من هذي المداخل وانتي ماشاء الله عليك مستمعه ومطيعه جيده لهم تنفذين اوامرهم !
اللي ابي اقوله لك ( اعقلي وانضجي ) وتعاملي مع حياتك بكامل تفاصيلها مثل الناس الكبار حكمي عقلك وتوازني
وعليك بتلاوة سورة البقره واشوفك تقولين ماقدر طيب مو لازم البقره اقرأي الفاتحه 7 مرات على نفسك وتروشي بمويه وملح بحري مره بالاسبوع
ولا تخافين من التعب اللي تحسين فيه لان جسمك وعقلك اللا واعي يبدأ يقاوم التغيير هذا غير ان اساساً انتي ضعيفه ومنهاره وهشه من الداخل طبيعي تتعبين من البقره اللي تعتبر طاقتها وبركتها قويه تغربل وتحرك كل البلاوي والخرابيط اللي بداخلك وعلى راسها تعنيفك لنفسك تحسبينه شي عادي لكنه مثل ماقلت مدخل للشياطين ، تعوذي منه واعقلي وانضجي
وخير يا طير ما تحبين زوجك ترى الوضع ما يستاهل رد الفعل العنيف منك اتجاهه خاصة اذا هو ماضرك بشي
اعقلي للمره المليون وفكي عنك حالة الدندنه على نغم مشاعر تشاور تودع مسافر تيرم تيرم والله ماتوكل عيش
انفضي عنك حالة الدراما وتشجعي وقوي نفسك بذكر الله وتقواه وتلاوة البقره وبذل الاسباب
والاسباب اللي مكرهتك في زوجك اجلسي بجديه ناقشيها مع نفسك ثم صارحي زوجك وقولي له الشي الفلاني والفلاني ما احبه كذا ياليت يصير كذا وضحي له اللي منفرك منه بكل ادب واحترام
وانتي شايفه وضعك الطلاق صعب وماتقدرين عليه يعني اعقلي وتقبلي واقعك وارضي فيه مع بذل اسباب الاصلاح وحل الامور العالقه بينكم
اما تجلسين تندبين حظك وتزيدين حواجز النفور بينك وبين زوجك بدون حل اعتبر هذا الشي ضياع وقت واستنزاف مشاعر على الفاضي

دام تقولين قريت ولا يفيد او شيء كذا اجل يمكن محسوده
او انتي تمرين بحاله اكتئاب وملل وفتور
اتركيه ابتعدي عنه وانتي بالبيت واساسا دام تقولين كثير يطلع فافرصه يعني
ليش يكون كل تفكيرك فيه
طلع مع السلامه انشغلي على نفسك رياضه جسم
بشره. هوايات
والااهم شغلي قران بالبيت بالمعوذات بالبقره قران
سوي تنظيف عميق وعادي
انشغلي بعيالك
كل يوم زيني معهم شيء لعب . اقري عليهم قصه
علميهم على شيء صلاه دين مليان الدنيا امور
نعلمهم صغارنا وعيالنا
اطبخي . سوي هوايه وكذا
افتحي الشبابيك بيتك يتهوى
العطور لها دور اقصد البيت
بيخلص يومك
اعتقد بعد اللي انتم فيه من قله صلاته
شوفي حل بالنصح والمدح والحوار
النظافه نبهيه ترا كثير كذا مايهتمون ولا يعرفون انه مهم
للرجل بعد اذا مايتنظف ويشيل قولي انا اشيل لك وهكذا
تروش طيري جيبي عطر وعطريه انتي مزيل انتي حطي له
عامليه كا طفل
اعتقد تحتاجين عزم وشده
والشيطان يزين لك الانفصال ويكرهك فيه بزود
ومغطي عنك الشيء الزين بحياتك
وجود اطفالك معك اكبر نعمه . بيت مسكر عليكم
اكل وشرب .
اجلسي مع نفسك وشوفي نفسك
وقلتي الطلاق مو زين لك بيت اهلك ماينفع وتظلمين نفسك فيه وعيالك
انتي ادرى بشخصيه زوجك فالعبي عليها حاولي تغيرين فيه
بعض الاشيئاء لانقولين مااقدر مافاد
وغير كذا الصدقه لو بماء بريال تنفع
الحوقله . الاذكار . الدعاء سحر سحر وله مفعول الاستغفار الصلاه على النبي صلى الله عليه وسلم
قيام الليل

ايوه في تويتر ارسلي لهم انك تبغي استشاره على الخاص