مشكورة كل اخت ردت او دعت لي بظهر الغيب ومشكورات اخواتي علي تذكيركم بالرقيه لي ولزوجي وكل نصائحكم واستشاراتكم المفيده عسي الله يجزاكن كل خير
الحمد لله علي كل حال زوجي كما هو بل اصبح يدخل الاولاد بمشاكلنا كقوله لهم انا هنا فقط من أجلكم انتم وهذا البيت كله خطأ وانا جالس فيه بس لأجلكم ويردد هذا الكلام وانا ما تدخلت أبد مع القهر حتي اليوم يقول لعيالي اسمعوا الكلام أحسن لكم لان انا هنا بس من أجلكم ولا في اي سبب يجعلني اجلس بهذا البيت والله كلامه وصوته صار يحطمني والله صرت اذا سمعت صوته جاي البيت قلبي بدون سبب يضرب ضرب قوي وخوف شديد مره واعصابي مو متحمله اي تصرف وادعي ربي يمر أيامي علي خير وطبعاً قاطع أهلي نهائي بس الحمد لله ما حرمنا من روحتنا لهم ومثل ما قلت لكم لا يأكل في البيت أبد بس خفايف وفواكهه وحلي من اليشتريهم للبيت وما يلمس آكلي ووجباته كلها من بره وهذا هو حاله من قبل السفر بس بعد رجعته صار أسوأ صابغ الشعر وكل يوم لبس جديد وخارج دايماً العصر بس يرجع ما يسهر بره وصلاته مستمره عليها وينام قبلي بس وضعه غريب فعلاً غريب.
التقول لي نمطي انا شماليه شرقيه بس وانا شرقيتي قويه بس هو شمالي شرقي لكن الفرق بين شرقيته وغربيته يمكن نقطه او اثنين فلذلك مختلفين وتربيتي غير عن بيئته هو واسلوبنا مختلف والمنطق فقط هو الحاكم ببيت أهلي بس هو لا منطقه هو فقط او لا وما ابغي ابخسه حقه عند الرضا كان حنون وطيب ويساعدني ويدللني وما يبغاني اتعب كان ما شاء الله عليه عند الرضا بس يزعل ويقلب شخص آخر واكثر شئ يقهرني انه زعول ويهجر علي طول وزعله طويل ويحلل كل صغيره وكبيره بمقدار طيبته هو أحمق وعنيد حتي أهلي ما كانوا يعرفوا شئ غير الجانب الطيب فيه الي ان جاء يوم واتصل يشتكي مني وتعرفون الواحد يشتكي يطلع نفسه برئ صح بس هو المشتكي وحاول يشوه صورتي الا ان غروره وعنجهيته وجبروته ظهر في سرده لشكواه مني ومع ادعاءه انه المظلوم الا ان أهلي كلهم قالوا لي عنه إنسان صعب ويدقق بالتفاصيل مثل الحريم ويشتكي وكأنه ملاك لان أهلي يحكموا بالمنطق وبأسلوب المتحدث ولم يقول له طبعاً هذا الكلام بل قالوه لي انا المهم حبيت أوضح لكم شخصيته.
الحين صايره لي مشكله بحسابي المصرفي وأرسلت له رسالتهم لانه هو المفروض يحل المشكله ولا عبرني أرسلت له رساله علي تلفونه انه وصلتك رساله المصرف بخصوص حسابي لازم تنحل المشكله ليسكروا الحساب وكمان ما رد علي ولا عبرني انا وقفت ولا أرسلت له اي شئ لا ليش او ايش الحل أبد وقلت لنفسي بعطيه يومين حل المشكله حلها ما حلها انا اخذ من فلوسه العندي وأحل القضيه واليصير يصير وانتو ايش رايكم اخواتي يعني البوضعه وانتو قلتوا لي هو اكيد تعبان ولو رحتي له بيتصلح كل شي الحمد لله ما رحت له ولا هنت كرامتي له كنت اعض اصابعي ندم الحين لانه فعلاً لو عنده اي نية صلح كان استغل موضوع المصرف يحل الموضوع البيننا وابني قاله علي اني مريضه كمان او يبغي الصلح كان استغل موضوع مرضي وتقرب مني حتي لو بتكبره المعهود كنت راح اقبلها اي مبادره بس هو لا مو ناوي ومقاطعته لاهلي اكبر دليل بس اكيد لو اي واحد من جماعتنا ساله حيقول ان قلت لها تسافر لاهلي ورفضت ليش اروح لاهلها مع ان علاقه اهله بي سطحيه ولا يهمهم يشوفوني او لا ويحبون ابنهم وحده بس اهلي يعاملون زوجي كولدهم وعلاقته مع اخواني الكبار كالاصدقاء الي ان بعد عنهم مؤخرا وصار يتصرف تصرفات البذر هدا انا يعني بحياتي مو مقابله شخص يتعامل مع زوجته بهذا الحقد ويتعمد يقهرها مهما صار قسم بالله قهرني قهر ووجعني قلبي من جوا ووالله العظيم الطبيب قالي في ضغط دم واصل لراسي وحيعملوا لي صور وفحوصات يعني وصلها معي الي حد تعمد الحقد والقهر والانتقام الله يأخذ لي حقي منه حسبي الله عليه والله قلبي ينزف دم وحزن منه جد أحس نفسي كرهته وأكره أني وافقت عليه كزوج وأب لعيالي اكره حبي لاستقرار عائلتي اكره حبي لاولادي فوق حبي لنفسي اكره تضحياتي اللانهائية تعبت والله تعبت وان تركت البيت هذا اللي يبغاه وان طلبته هو يترك البيت تكون جاته من الله اليتمناه وان طلبت الطلاق فهذا عيده والله الصبر قتلني اللهم أفرغ علي صبراً اللهم أفرغ علي صبراً اللهم اهديه اللهم اجعله يندم ندم الكافر يوم القيامه علي ما يفعله معي.
أرشدوني انصحوني واسوني ادعو لي ارجوكم .
المي كبير @almy_kbyr
عضوة نشيطة
يلزم عليك تسجيل الدخول أولًا لكتابة تعليق.
آنسه سحر
•
الله يفرج همك
الله يفرج كربتك ويحنن قلب زوجك لك ويرده لك ولاولادك رداً جميلاً
ااحنا اللي نقدر عليه حبيبتي نعطيكي حلول وندعي لك بالفرج وبس ..
لكن بعطيك نصيحه وحده فقط
قومي الحين وافرشي سجادتك وصلي ركعتين واشكي وفضفضي للي ماتنام عينه ,,راح يرتاح بالك وان شاء الله تتصلح امورك ماعلى الله عسير
واكثري من الاستغفار وربي يفرجها عليك وعلى كل مسلم ومسلمه
ااحنا اللي نقدر عليه حبيبتي نعطيكي حلول وندعي لك بالفرج وبس ..
لكن بعطيك نصيحه وحده فقط
قومي الحين وافرشي سجادتك وصلي ركعتين واشكي وفضفضي للي ماتنام عينه ,,راح يرتاح بالك وان شاء الله تتصلح امورك ماعلى الله عسير
واكثري من الاستغفار وربي يفرجها عليك وعلى كل مسلم ومسلمه
الله يفرج همك بس نفسي تنسوا قصة الوصله ومادري ايش هذي زي الابراج حرام وكذب انقهر من هالقصه
وانتي اختي ليش تصبرين علي شي فوق طاقتك كلميه واذا انتي كارهتيه صدق قولي له تزوج وخلني علي ذمتك بس انساني ولاكاني زوجتك ادري حرام بس خليه برضاه هالشي هذا
وانتي اختي ليش تصبرين علي شي فوق طاقتك كلميه واذا انتي كارهتيه صدق قولي له تزوج وخلني علي ذمتك بس انساني ولاكاني زوجتك ادري حرام بس خليه برضاه هالشي هذا
الصفحة الأخيرة