اتعبتني هالمشكله

بتكتب لكم السالفه بالتفصيل
وابيكم تقولون لي بكل امانه وكل وحده
تحط نفسها مكاني من الغلطان
انا استشرت قبل فتره هنا بلحظه
المشكله بس كنت معصبه
ولا اخذت بالردود
وضيعيت الباسورد اللي سجلت فيه
بحساب للمشكله ولا حصلت للموضوع
اللي مو رايقه او تعبانه لاتكتب شي
ولا تكمل الموضوع لانه طويل
ويبي له احد رايق يحط نفسه مكاني
انا عندي عم اكبر من ابوي
ب ١٤ سنه هو ربى ابوي بعد وفاة جدي
قبل يتزوج امي
ومرت عمي انسانه اتعب وانا اقول
امي الثانيه
ربتنا كلنا انا واخواني وامي نفستني انا واخوي
عندها لان امي امها ميته
فهي حلفت على امي تنفسها مع ان امي
عندها اخت بس ماتعتبر اخت انانيه ماهمها الا نفسها
تربيت انا وبنات عمي زي الخوات
يوم كنت بزر كنت ساكنه
عندهم اغلب وقتي يوميا عندهم
يحبوني واحبهم
انام عنده اسبوع ٨ايام متواصله
واذا جو اهلي اصيح مابي ارجع ويجلسون
البنات ومرت عمي يحاولون
اجلس باهلي
لما صار عمري ١٥ تقريبا قرر عمي الاصغر من
ابوي يتزوج
من جنسيه عربيه
وجابها وطبعا مرت عمي قامت فيها وصارت زي
وحده منهم وشوي شوي بدو يسحبون
على امي لكن الشهاده لله معي ابد ماتغيرو
بنات عمي هم هم نفسهم
لكن مرت عمي وبنات همي ااكبير
تغير ع امي من ناحيه انهم صارو يفضلون
مرت عمي الاصغر معهم بكل مكان
ياخذونها يتعازمون بينهم مع ان كلنا كنا متعودين
ع بعض فجاه جت وحده خربت وقلبت العايله
صارت تفرق وانا سمعت عالكلام
من بنت عمي قالت فلانه كل ماجتنا
تقطع جلودكم طنشنا وكبرنا روسنا عنها
لكن هي مستمره تقهر امي بحركاتها
وتستفزها واني انا المفضله وانتي ولا شي
كانت تصير بين امي ومرت عمي مشاكل بسيطه
زي امي تتشره ليش ماقلتو لي وش دعوى
ماكننا متربين مع بعض ماعزمتون
كذا يعني
ماكنت اطق لها خبر استمرت علاقتي ببنت
عمي بنات عمي اللي كبيري٢٨ سنه والاصغر منها
٤ وكلهم زي خواتي استمرت علاقتنا ٢٨ سنه
ننام ناكل نسافر نروح نجي مع بعض اصلا
لكن امي كشت وسحبت ننفسها لما شافت
مافي تقدير لها
ولا فيه حب زي قبل
مامون على احد غيرهم
فجاه قبل ٤ شهور يمكن
مرت عمي سوت عزيمه
كبيره عزومه لمرت ولدها
وعزمت
مرت عمي الاصغر وكل عماتي وبناتهم
وخواتها وبناتهم واهل زوجه ولدها
الا امي
فجاه نشوف السنابات
بنات عماتي كلهن مصورين
العزيمه وكذا
امي اخذذت جد من كل قلبها هالمره
وانفجرت ىتشرهت عند عمتي عليهم
ان كذا قدرنا حتى بعزايم الكبيره
مايقدرون ولا يبوننا وش جاهم منا يوم انهم قالبين كذا
وللعلم امي ترفض حتى تعزم عمتي
وتترك احد لازم ان عزمت عزمت العايله كلها اى بلاش
المهم عمتي وصلت هااكلام
لمرت عمي
جت بنت عمي اللي بعمري ٢٨
كتبت لامي رساله
بحياتي ماتوقعت تكتبها او
انا كنت معصبه وحسيت الرساله قويه
بقولكم بتاحرف الواحد ايش كاتبه
مسساء ء الخير
ترا عمتي فلانه ماىصلت لك الكلام زي ماقلنا لها
اسمعي حنا ماناديناك
لانك ماقدرتي زوجه اخوي يوم تولد
ولا شي وشوله نعزمك
ثانيا لاتقارني نفسك بفلانه وفلانه هذولا غير عنك
انتي صاده وبعد تتشرهين
ترا الهرج مايجيب الا المشاكل الله يهديك بس
هذا محتوى الرساله
امي عجزت تقرا
رمت الجوال علي
انا وحت حذت رسالتها وكتبت من جوالي
انصدمت منك
عيب تكلمين مره كبر امك بالاسلوب الوقح ذا
وتدرين انه به مرض الضغط
لو الكلاك من امك اهون
لكن انتي !!
جت نطت علي
وقالت وين الوقاحه بااموضوع
امك ماغير تتشره
وامك لو خايفه على ضغطه
ماجت تتشره وتقول ماعزموني
وامك حركاته موب حركات حرمه كبيره
بس تزعل وتتشره علينا
وحنا مانديناكم
لان امك ماقدرت مره اخوي
يمين بالله الخالق لن امي يوم ولاذه مرت
اخوهم قايله لي دوري لي طقم بنت ناعم
باخذه اذا وحت لكن جاها الم جنوبها
امي معها حصى
وعجزت تروح واعتذرت
بالمقابل امي لو تسافر مكه
ماتنساهم بالهدايا
ولما نسافر برا اول من نذكر هم
ولما اخوهم تروج ماحد صلح له عشاء كبير
وعزم كل العايله الا امي تقدير لامه
ب المقابل بنتها انكرت
كل هذا قالت انتم م قدرتو
انا بدون شعور
قلت نسيتو كل شي ومسكتو على انه ماقدرت كم
طيب والهدايا اللي كل سفره امي تجيبها
لكم خصيصا من غير كل العايله
طيب والعشاء اللي تكلفت فيه وعزمت
كل العايله تقدير لامكم
لفت علي وقلبت السالفه علي
وقالت انتي تمنون علينا
ونسيتي العشره وتتاثرين من امك
قلبتي علينا
قلت امي غافله
اتركيها بحالها
وشي طبيعي بوقف مع امي
قلتيها امي مو صديقتي عشان تقولين كذا
لو امك اللي زعلانه وقفتي معها
ولماجاء الليل قالت
حنا مانسينا اللي سويتوه لنا ونذكره بالخير
لكن نكره طبع المنه واللي يبي يمن
لايسوي لناس شي
ومايحتاج تذكروننا كانكم مسوين ايش
قلت انا وحلفت له بالله الخالق
ان ماقصدت المنه قصدت لما قلتي
انتم ماتقدرون قلت واللي سوت لكم امي
ليش تحطيني اني امن واتمنن
وعصبت وغلطتي حذفت نفسي
من قروبات بيني وبين خواتها
وخليت خواتي يحذفون انفسخم بالقروب اللي هي موجوده فيه كنت معصبه لما جت نكلم امي باسلوب مو حلو
وحذفتا انفسنا
عشان كذا تقول تنسين العشره عشان نقاش
بسيط وحنا ماخسرنا احد هذا مكسب لنا
اللي يبيعنا على شي تافه
انا احبها وفاقدتها هي كانت زي اختي
ولي ٤شهور ماكلمتها ولا طلعت معها
ولا شي هي غلطت على امي وانا من حقي
ادافع عن امي
لكن بشوفها يالعيد كيف اتصرف
احس اني بتفشل بسبب كلامي
كنت معصبه
وحست اني امن عليهم بالهدايا والعزيمه
وغير كذا حذفت نفسي
من كل مكان هي موجوده فيه
تعبت نفسيا
من هالموضوع
امي رجعت علاقتها
من احسن شي معهم ومع امهم بعد المشكله بشهر
وانا اللي جلست فيها وتمشكلت مع
الانسانه القريبه لقلبي
خواتي يقولون انتي غلطانه
ماله داعي تحذفين ىتتركينا نحذف القروبات
وماله داعي تقولين حنا سوينا لكم
وصديقتي تقول لا معك حق
انتي انقهرتي على امك وذا من حقك